Sumu 10:14 - Tonga Bible 1986

¹⁴ Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Sumu 10:14 ပူးပေါင်းရင်းမြစ်များ

Chiyambo 21:17

Ndipo Chiuta wanguvwa mazu gha mwana yo; ndipo mungelo waku Chiuta wangudanirizga kwaku Hagara kuturiya kuchanya, ndi wanguti kwaku iyo, “Nchine cho chitukusuzga Hagara? Ungopanga cha, pakuti Chiuta wavwa mazu gha mwana yo penipo wali.

Chiyambo 31:12

Ndi wanguti, ‘Yunuska maso ghako ndi wona mbuzi zose zenizo zichilipuka pa viŵetu vyo za mudyeka, zamaŵanga, ndi zakuvurumutiya; pakuti ndawona vyose vyenivyo Labani wachita kwaku iwe.

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

2 ŴaKaronga 9:26

‘Kwakuneneska mo la zana ndinguziwone ndopa zaku Naboti ndi ndopa za ŵana ŵake, atiti Ambuya; ndazamukukuwezge pa munda wenuwu?’ Viyo sono munyamuwe umupong'e pa malo gha munda uwu, kwakuyana ndi mazu gha Ambuya.”

2 Mikoka 24:22

Viyo karonga Yoashi kuti wangukumbuka cha ulemu wo Yehoyada wiske waku Zekariya wangumuchitiya, kweni wangubaya mwana wake, ndipo wachifwa, wanguti, “Ambuya achiwone ichi ndipo awezge nduzga!”

2 Mikoka 6:23

muvwe imwe kuchanya, muchite, muŵeruzgi ŵateŵeti ŵinu, kumsuska muheni ndi kumuwezge uheni wake pa mutu, ndi kumurunjiska murunji kwakulingana ndi urunji wake.

Sumu 146:9

Ambuya avikiriya ŵalendo wo ŵe mu charu; atovya vyoko ndi ŵaranda; kweni apasuwa nthowa zose za ŵaheni.

Sumu 22:11

Mungajanga kutali ndi ine, chifukwa suzgu ye pafupi ndipo wakundovya palivi.

Sumu 31:8

ndipo kuti mwandipereka ku janja la ŵakupindikana nane cha; marundi ghangu mwaghamiska mu malo ghasani.

Sumu 35:22

Imwe mwachiwona, Ambuya; rekani kuja chisisi! Ambuya, mungaŵanga kutali ndi ine!

Sumu 55:22

Taya pa Ambuya mphingu yako, ndipo iwo akakuchirikizganga; kuti azomerezgenge nanga nkhamana cha kuti wakurunjika wawo wasukuniskike.

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Sumu 68:6

Wapaska ku ŵakusauka muzi wakujamo; ndi kurongozge ŵakumangika kubwalo mu likondwa la wanangwa; kweni ŵachigaruka ŵakajanga mu charu cha chiparamba.

Chituwa 2:25

Ndipo Chiuta wanguwona ŵaYisraele, ndipo Chiuta wanguziŵa mo ŵanguŵiya.

Chituwa 22:22

Mungayuzganga choko che chose cha, pamwenga wamasiya.

Chituwa 22:26

Asani uto chirundu cha munyako ngendi ndindira umuwezgiyenge chirundu cho lumwi lenga lindasere;

Nthanthi 15:25

Ambuya ŵaparuliya pasi nyumba ya wakujikuzga, kweni ŵasunga maliri gha choko.

Nthanthi 15:3

Maso gha Ambuya ghemu malo ghose, ghalereska ŵaheni ndiŵamampha.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

Yeremiya 16:17

Pakuti maso ghangu ghe pa nthowa zawo zose, kuti mbakubisama cha kwangu, nanga mbutimbanizi wawo kuti ngwakubisika ku maso ghangu cha.

Yeremiya 23:24

Kumbi munthu wangajibisa mu malo ghakubisika kuti ine nditondeke kumuwona? atiti Ambuya. Asi ine ndizaza kuchanya ndi charu chapasi? atiti Ambuya.

Yeremiya 49:11

Ŵareke ŵana ŵako ŵaranda, ine ndikaŵasunganga ŵamoyo; ndipo virekeni vyoko vinu vigomekezge mwaku ine.”

Yeremiya 51:56

pakuti wakuparghang'a waza paku iyo, waza pa Babiloni; ŵankhondo ŵake ŵayoleka, mauta ghawo ghafyoka tumanatumana; pakuti Ambuya ndi Chiuta wakuwezge thayu, kwakuneneska wakawezganga nadi.

Chitenje 3:59

Mwawona uheni wo wachitika kwaku ine, Ambuya; Yeruzgani mlando wangu.

Chitenje 3:60

Mwaziwona nduzga zawo zose, ndi kundiyukiya kwawo kose.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hoseya 14:4

Nkhachizganga kuwere vuli kwawo, nkhaŵanjanga kwawanangwa, chifukwa ukari wangu waweko kwaku iwo.

Yoele 3:4

“Mwe ayani imwe kwaku ine, imwe Turo ndi Sidoni, ndi mphaka zose za ŵaFilisti? Kumbi mutindiwezge thayu? Asani mutindiwezge thayu ruŵi ndiwezgenge thayu linu, pa mutu winu.

Habakuku 1:13

Imwe mwe ndi maso ghatuŵa gho kuti ghalereska uheni cha, ndipo kuti mulereska pa ubudi cha, kumbi mulereskiyanji pa ŵanthu ŵambura chigomezgu, ndikuja ŵaka chete asani muheni wanyenga munthu murunji yo waruska iyo?

Marangu 10:18

Wafiska umampha cheruzgu cha wambura wiske ndi choko. Watanja mlendo wamupaska kurgha ndi vyakuvwala.

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

1 Petro 4:19

Viyo, so ŵeniwo ŵakomwa kwakulingana ndi khumbo laku Chiuta ŵapazgiye mauzima ghawu mu kuchita umampha ku mlengi wamagomekezgeka.

1 Petro 5:7

pakupong'a paku iyo kweŵeku linu lose, pakuti waphwere imwe.

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.