Nthanthi 6:29 - Tonga Bible 1986

²⁹ Viyo ndimu walili yo wasere mu muwoli wa muzengezgani wake; palivi yumoza mweniyo watumuko walekenge kulangika.

Nthanthi 6:29 ပူးပေါင်းရင်းမြစ်များ

Chiyambo 20:2

Ndipo Abrahamu wangunena zaku Sara muwoli wake, “Ndi mzichi wangu.” Ndipo Abimeleke karonga wa Gerara wangutuma ŵanthu kwachimuto Sara.

2 Samuele 11:27

Kunguti kwamara kutenje, Davidi wangutuma ndipo ŵangumutore ku nyumba yake, wanguŵa muwoli wake, ndipo wangumupapiya mwana munthurumi; kweni chinthu cho Davidi wanguchita kuti chingukondweska Ambuya cha.

2 Samuele 16:21

Ahitofele wangunena ndi Absalomu, “Kasereni mu mbiligha za auskemwe zo ŵakusiya kuti zirindengi nyumba; ndipo wakavwanga Yisraele yose kuti mwajichita kuŵa wakutinkha auskemwe, ndipo manja ghose ghaku wo ŵe pamoza namwe ghakakhomeskekanga.”

Chituwa 20:17

“Ungaŵiniwanga nyumba ya munyako; ungaŵiniwanga muwoli wa munyako, pamwenga wachitu wake munthurumi, pamwenga wanchitu wake munthukazi, pamwenga ng'ombe yake, pamwenga mbunda yake, pamwenga kanthu ke kose ka munyako.”

Nthanthi 16:5

We yose mweniyo ngwakujikuzgangwa ukazuzi ku Ambuya; ziŵiska kuti warekenge kulangika cha.

Nthanthi 6:28

Pamwenga kumbi munthu wangayenda pa maka gha moto kwambura kufya marundi ghake?

Ezekiele 18:6

asani wareka kurgha pa mapiri pamwenga kuyinuskiya maso ghake ku ghake ku ŵangoza ŵa nyumba yaku Yisraele, wareka kulakwa ndi muwoli wa mwanasi wake nanga nkhukwaska munthukazi yo wemu masambi,

Ezekiele 22:11

munyake wachita unyakazi ndi muwoli wa mwanasi wake, munyake walakwa ndi mkumwana wake, munyake mwaku iwe ndi mzichi wake, mwana mumthukazi wa awiske.

Ezekiele 33:26

Munyamuwa lipanga, muchita maunyakazi, ndipo yumoza ndi yumoza waku imwe walakwa ndi muoli wa mwanasi wake; kumbi mungaziŵa kuchihara charu viyo?

ŴaLevi 18:20

Ndipo kuti mukalanga ndi muwoli wa mwanasi winu cha, kujifipiska mwaku iyo.

ŴaLevi 20:10

“Asani munthu wachita ureŵi ndi muwoli wa munyake, ŵareŵi wose ŵaŵi wo, munthurumi ndi munthukazi ŵabayike.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

1 ŴaKorinte 7:1

Kweni paku vyo mungundilembe: nkhwamampha ku munthu kukwaska munthukazi cha.