Nthanthi 6:17 - Tonga Bible 1986

¹⁷ maso ghakujikuzga, lilime lakupusika, ndi manja ghakudiska ndopa zambura kalema,

Nthanthi 6:17 ပူးပေါင်းရင်းမြစ်များ

2 ŴaKaronga 21:16

Ndipo so Manase wangudiska ndopa zinandi zambura kafukwa mpaka zinguzaza Yerusalemu kwamba ku chisongo ichi mpaka kuchisongo chiya, pamoza ndi ulakwi wo wangulakwiska nawo Yuda viyo kuti wanguchita uheni mu maso gha Ambuya.

2 ŴaKaronga 24:4

ndipo so pa chifukwa cha ndopa zambura mlando, paku vyo Ambuya kuti angukhumba kugowoke cha.

Sumu 10:4

Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.

Sumu 101:5

Ndikaphwanyanga munthu mweniyo warongorore uheni pa muanasi wake ku ubende. Munthu wa maso ghakujitunthwa ndi mtima wa kujikuzga kuti ndimulekerezgenge waka cha.

Sumu 131:1

Ambuya, kuti ujikuzga cha mtima wangu, maso ghangu kuti ghalereska kwa kujitukumuwa cha; nanga ndi mu vinthu vinonono ndi vyakuziziswa ukongwa, kwaku ine,

Sumu 18:27

Chifukwa imwe mtaska ŵanthu ŵakujiyuyuwa; kweni maso ghakujikwezga mutighasiskiya pasi.

Sumu 31:18

Milomo ya utesi yichetamiskike, yo yikambiya phuzu pa ŵarunji mu kujikuzga ndi mu kuyeya.

Sumu 5:6

Imwe mumarenge wo mbakukamba mautesi; Ambuya apata ŵanthu ŵakudiska ndopa ndi ŵakupusika.

Sumu 5:7

Kweni ine, mu unandi wa vya chifundu vinundiserenge mu nyumba yinu, ndisopenge kurazga ku nyumba yinu yakupaturika mu kumopani imwe.

Nthanthi 1:11

Asani watiti, “Zanga pamoza nafwe, tikakhazge kudiska ndopa, tikakhazgi ŵambura kafukwa,

Nthanthi 1:16

pakuti marundi ghawo ghachimbiriya ku uheni, ndipo ŵatinthimikiya kwachidira ndopa.

Nthanthi 12:22

Milomo yitesi mbukazuzi ku Ambuya, kweni ŵeniwo ŵachita kwamagomekegeka ndi likondwa lawo.

Nthanthi 14:5

Kaboni mukongolekwa kuti wanama cha, kweni kaboni mutesi wapingiya maboza kubwalo.

Nthanthi 16:5

We yose mweniyo ngwakujikuzgangwa ukazuzi ku Ambuya; ziŵiska kuti warekenge kulangika cha.

Nthanthi 17:7

Kurongoro kwamampha kuti kumunozge cha wakupusa; ndipo so kamanavi ndimu kulili kurongoro kwautesi ku mwana wa fumu.

Nthanthi 21:4

Maso gha kujikuzga ndi mtima wakujikuzga, nyali ya ŵaheni, ndi mphurupuru.

Nthanthi 26:28

Lilime litesi litinkha ŵakulimbana nalo, ndipo mlomo wakunyengere uchita phasulu.

Nthanthi 28:17

Asani munthu wanyekezgeka ndi ndopa za munyake waŵe wakuthaŵathaŵa mpaka nyifwa; paulevi wakumovya.

Nthanthi 30:13

Ŵalipo ŵeniwo manyi maso ghawo ngatali uli, manyi nkhope zawo zitali uli!

Nthanthi 6:16

Pe vinthu nkhonde ndi chimoza vyenivyo Ambuya atinkha, nkhonde ndi viŵi vyenivyo mbukazuzi kwawo:

Yesaya 1:15

Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 3:16

Ambuya anguti: Chifukwa ŵanthukazi ŵaZioni mbakujikuzga ŵatenda ndi makhosi ghakunyutuka, ŵavwikuwa ndi dama maso ghawo, ŵachita kuchakatuka ŵachenda, ŵaswaya ndi marundi ghawo;

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Yeremiya 26:15

Kweni ziŵani kwakuneneska kuti asani mundibayenge, mukajitoliyanga ndopa zambura kalema paku mwaŵeni ndi pa msumba uwu ndi ŵakujamo ŵake, pakuti kwakuneneska Ambuya angundituma kwaku imwe kuzachirongoro mazu yagha mu makutu ghinu.”

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Marangu 19:10

Wapatuwa misumba yo, vinu ndopa zambura kalema zingadika mu charu chinu chenicho Ambuya Chiuta winu watukupaskani kuŵa chihara mwakuti kususkika chifukwa cha ndopa kungaŵa paku imwe.

Marangu 27:25

“ ‘Watembeke yo waronde chimbundi kubaya munthu wambura kafukwa.’ Ndipo ŵanthu wose ŵanenenge, ‘Ameni.’

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.