Nthanthi 3:33 - Tonga Bible 1986

³³ Thembu la Ambuya le pa nyumba ya muheni, kweni atumbika kuja kwa murunji.

Nthanthi 3:33 ပူးပေါင်းရင်းမြစ်များ

2 Samuele 6:11

Ndipo Bokosi la Ambuya linguja mu nyumba yaku Obededomu mu Giti myezi yitatu; ndipo Ambuya angutumbika Obededomu ndi nyumba yake yose.

Jobu 24:18

“Mutiti, ‘Ŵatoreka ruŵiruŵi pamaji, phande lawo ndakutembeka mu charu; palivi yumoza wa nchitu wangaruta kufupi ndi minda yawo.

Jobu 31:12

uwu ndi moto wakunyeka mpaka ku pharghaniko, ndipo uwochenge mbeu zangu ndi misisi yake viyo.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Sumu 37:22

Ŵakutumbikika ndi Ambuya ŵakaharanga charu, kweni ŵakutembeka ndi iwo ŵakadumulikanga.

Sumu 91:10

palivi soka lo likakuŵiyanga, nanga nchiwawa kuti chifikenge pafupi ndi muzi wako cha.

Nthanthi 10:6

Vitumbiku vye pa mutu wa murunji kweni mlomo wa wamphulupulu ubisilizga ndeu.

Nthanthi 14:11

Nyumba ya wamphulupulu yikabwangandulikanga, kweni hema la wakunyoroka likanozganga.

Nthanthi 15:6

Mu nyumba ya murunji mwe usambasi unandi, kweni suzgu yiwiya chuma cha wamphurupuru.

Nthanthi 21:12

Murunji wateska nyumba ya wamphulupulu, wamphulupulu wapong'eka pasi kupharghaniko.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Marangu 11:28

Thembo, asani mureka kuvwiya marangu gha Ambuya Chiuta winu kweni kupatuka mu nthowa yo ndikulanguliyani zuŵa lino, kurondo ŵachiuta ŵanyake ŵeniwo mulivi kuŵaziŵa.

Marangu 7:26

Ndipo kuti mukatoriyanga kanthu ka ukazuzi cha ku nyumba yinu, vinu mungaŵa ŵakutembeka nge ndicho; kweni muchitinkhe ukongwa limu, ndi kunyanyara nacho, chifukwa nchinthu chakutembeka.

Yoswa 6:18

Kweni imwe, mujipatuweko ku vinthu vyo vyapaskika ku wanangiku, vinu kokuli mutakuti mwavipaska mungatopo cha chechose cha vinthu vyo vya paskika, kuti muchitiske ugoŵi wa ŵaYisraele chinthu chakubwangandulika, ndi kutole suzgu paku wo.

Yoswa 7:13

Soka, uŵatozge ŵanthu, ukambe kuti, ‘Jitozgeni mwaŵeni lamawa, pakuti ndimo Ambuya ŵanene Chiuta waku Yisraele, “Mwe vyakukanizgika mukati mwinu, Owe Yisraele; kuti muziŵa kuma paurongo pa ŵarwani ŵinu cha, mpaka po mwatuzgamo vinthu vyakubisika vyo vye mukati mwinu.”