Nthanthi 29:25 - Tonga Bible 1986

²⁵ Kopa munthu nkhuthya chiŵana, kweni mweniyo wagomekezga mu Ambuya we pakukho.

Nthanthi 29:25 ပူးပေါင်းရင်းမြစ်များ

Chiyambo 20:11

Abrahamu wanguti, “Ndinguchichita chifukwa ndingughanaghana kuti, ‘Mulivi kopa Chiuta chingana nkhamanavi mu malo yagha, ndipo ŵakandibayanga chifukwa cha muwoli wangu.’

Chiyambo 20:2

Ndipo Abrahamu wangunena zaku Sara muwoli wake, “Ndi mzichi wangu.” Ndipo Abimeleke karonga wa Gerara wangutuma ŵanthu kwachimuto Sara.

Chiyambo 26:7

Penipo ŵanthu ŵa malo gha ŵangumufumba gha muwoli wake, wanguti, “Ndi mzichi wangu,” pakuti wangopa kukamba kuti, “Muwoli wangu.” Wangughanaghana kuti vinu ŵanthu ŵa malo gha ŵangamubaya chifukwa chaku Rebeka, chifukwa wenga wakutowa pakumuwona.

1 ŴaKaronga 19:3

Sono wangofyerwa, ndipo wangusoka ndi wanguruta kupozomoska umoyo wake, wanguza ku Beresheba, waku Yuda, ndi wangusiya mteŵeti wake kwenikuwa.

1 Mikoka 5:20

ndipo pa kovyeka kurwana nawo, ŵaHagiri, ndi wose ŵa pamoza nawo ŵanguperekeka mu manja ghawo, pakuti wanguliriya kwaku Chiuta mu nkhondo, ndipo pa chifukwa chakugomekezga mwaku iyo, wanguvwa kuŵeyere kwawo.

Sumu 118:8

Nkhwamampha kudingang'a mwa Ambuya, kwakuruska kugomezga munthu.

Sumu 119:117

Ndichirikiriyeni, alinga kuti ndiŵe wakudekha, ndipo ndidaŵirenge vyakukombo vinu mazuŵa ghose.

Sumu 125:1

Ŵakugomekezga mu Ambuya ŵe uli ndiphiri Zioni, lenilo kuti lingasukuniskika cha, kweni ndakujaririya muyaya.

Sumu 69:29

Kweni ine nde wakusuzgika ndi wakuvwa urwirwi; A Chiuta, zomerani kuti utaski winu, unditumphuskiye pachanya!

Sumu 91:1

Yose wakuja mu chakubisamamo cha Wapachanya Limu, wakujaririya mumduzi wa Wanthazi Zose,

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Nthanthi 16:20

Mweniyo waphwere mazu wakasakatanga ndipo wakukondwa, ndi mweniyo wagomekezga mu Ambuya.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Nthanthi 28:25

Munthu mususi wayuska ndeu, kweni mweniyo wagomekezga mu Ambuya wakasambasanga.

Nthanthi 30:5

Mazu ghose ghaku Chiuta ghasimika uneneska; iyo ndi nguru kwaku wo ŵabisama mwake.

Wakutaula 7:18

Nkhwamampha kuti uchikoreske ichi, ndipo ureke kutuzgapo janja lako paku cho; chifukwa yo watopa Chiuta wakatuwangmo mwaku vyo vyose.

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Danyele 6:23

Viyo Karonga wangukondwa ukongwa, ndi wangulangula kuti Danyele watuzgike mu zenje. Viyo Danyele wangutuzgika mu zenje, ndi mwengavi kusanirika chingana ndi bamba mu liŵavu lake, chifukwa wangugomekezga mwaku Chiuta wake.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Mateyu 15:12

Sono ŵasambizi ŵangumziya, ndipo ŵanguti kwaku iyo, “Kumbi muziŵa kuti ŵaFarisi, ŵanguti, ŵavwa mazu gho, ŵanguguŵiskika?”

Luka 12:4

“Ndipo ndikuneniyani mwa ŵabali ŵangu, mungopanga cha ŵakubaya liŵavu, ndipo pavuli pake mbakuŵavi kanyake kakuruska kwachichita.

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Yohane 9:22

Wapapi ŵake ŵakambanga ivi pakuti wopanga ŵaYuda: chifukwa ŵangupangana kali ŵaYuda, kuti asani yumoza wangamzomerezga kuŵa Kristu, wasezgekenge mu sinagoge.

Marangu 1:17

Mungalereskanga chisku cha munthu, muvwe mumana kwakulingana ndi mura. Mungopanga chisku cha munthu, chifukwa kweruzga nkhwaku Chiuta. Kweni asani mrandu ngunonono kwaku imwe, zani nawo kwangu, Ine ndazakuwuvwa.’

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

Ŵeruzgi 16:11

Samsoni wanguti kwaku Delila, “Asani ŵandimangenge ndi vingwe vifya vyenivyo vilivi kuchitayapo nchitu kale, po ndipo ndikaŵanga wakutomboloka, ndi kuŵa uli ndimo walili munthu we yose.”

1 Samuele 15:24

Sauli wangunena ndi Samuele, “Ndalakwa; pakuti ndajumpha dangu la Ambuya ndi mazu ghinu, chifukwa ndingopa ŵanthu ndinguvwiya mazu ghawo.

1 Samuele 21:13

Mwakuti wangusintha nkharu yake pa maso pawo wanguŵa nge ngwakufuntha mukati mwawo, wangukwaruwa-kwaruwa pa visasa vya pa vipata, ndipo lorozo lasoromokiyanga ku mwembe wake.

1 Samuele 27:1

Ndipo Davidi wanguti waghanaghana mu mtima wake wanguti, “Ndifwenge zuŵa linyake ku janja laku Sauli; palivi so kanyake kamampha kwangu kwakuruska kuti ndithaŵiye ku charu cha ŵaFilisti; mpaka po Sauli wavukenge kundipenja mukati mu mphaka za ŵaYisraele, ndipo ndikapozomokanga mu janja lake.”

1 Samuele 27:11

Ndipo Davidi kuti wangusiyapo munthurumi pamwenga munthu­kazi wamoyo cha, kuti wangapingiya makani ku Gata, kughanaghana “Vinu ŵangakamba gha paku ifwe, kuti, ‘Davidi wachita vyakuti.’ ” Ili linguŵa lusu lake pa nyengo yose yo wangujariya mu charu cha ŵaFilisti.