Nthanthi 29:24 - Tonga Bible 1986

²⁴ Yo wakwatikana ndi munkhungu watinkha umoyo wake; watuvwa kutemba kweni kuti wasumuwa kanthu cha.

Nthanthi 29:24 ပူးပေါင်းရင်းမြစ်များ

Nthanthi 15:32

Mweniyo wakana kusambizgika watijiyuyuwa; kweni mweniyo waphwere kuchenyeka wasaniya kuwamo.

Nthanthi 20:2

Ukari wakofya wa karonga we uli nkhuwuruma kwa kamanakamana kwa nkharamu, mweniyo watimusosomole ku ukari wapereka umoyo wake.

Nthanthi 6:32

Yo wachita ureŵi walivi chinjeru, yo watichichita ichi watijibwanthuwa mweneko.

Nthanthi 8:36

kweni yo wapambana nane watijipweteka mweneko, wose ŵeniwo ŵatinkha ine ŵatanja nyifwa.”

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

ŴaLevi 5:1

“Asani we yose walakwa, mwakuti watuvwa mazu ghakudana ghakufumbika kuti wasimikizge ukaboni wake, manyi ngwakuti wanguwona pamwenga waziŵa makani gho, kweni kuti wasumuwacha, wakapinganga kwananga kwake.

Marko 11:17

Ndipo wasambizganga, ndi wangunena nawo, “Asi kwalembeka, ‘Nyumba yangu yikazumbulikanga nyumba yakusopiyamo ya mitundu yose?’ Kweni imwe mwayisanduska mphanji ya ŵakupoka.”

Ŵeruzgi 17:2

Ndipo uyu wanguti ku nyina, vya siliva chikwi chimoza ndi machumi pe chumi (1,100) vingutoleka kwinu, vyo mungukambiyapo thembo lo ndingulivwa ndi ine, ehe, siliva yo wendi ine, “Ndine ndinguto.” Ndipo anyina ŵanguti “Wakutumbikika waŵe mwana ku Ambuya.”

1 Samuele 20:2

Iyo pakwamuka wanguti, “Kutali ndi ichi! Kuti ukafwanga cha. Awona, ada kuti ŵachita kanthu kakuru pamwenga kamana kwambura kukavumbuliya ine cha; nanga ichi ada ŵandibisiyengenji? Kuti kwe viyo cha.”