Nthanthi 29:1 - Tonga Bible 1986

¹ Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Nthanthi 29:1 ပူးပေါင်းရင်းမြစ်များ

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 18:18

Ndipo wangwamuka, “Ine ndirivi kusuzga Yisraele, kweni iwe ndiwe wachita ichi, ndi nyumba ya ausu, chifukwa mukujowo malangulu gha Ambuya, mukurondo ŵa Bala.

1 ŴaKaronga 20:42

Ndipo wanguti kwaku iyo, “Atiti viyo Ambuya, ‘Chifukwa wazomerezga kutuwamo mu manja ghako munthu mweniyo ndakombole ku kunangika, chifukwa cho umoyo wako ukaserenga pa umoyo wake, ndi ŵanthu ŵako pa ŵanthu ŵake.’ ”

1 ŴaKaronga 22:28

Ndipo Mikaya wanguti, “Asani wamuwe mu chimangu, iku Ambuya kuti angukambiya mwangu cha.” Ndipo iyo wanguti, “Avwani, mwa ŵanthu!”

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

2 Mikoka 33:10

Ndipo Ambuya angukamba ndi Manase ndi ku ŵanthu ŵake, kweni kuti ŵanguvwiya cha.

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.

Nehemiya 9:29

Ndipo munguŵachenjezga alinga kuti muŵawezge ku dangu linu. Ndipuuli ŵanguchita kwakujikuzga ndipo kuti ŵanguvwiya malamulu ghinu cha, kweni ŵangulakwiya malangulu ghinu, ghenigho pakughavwiya munthu wakajanga ndi umoyo, ndipo ŵangung'anamuliyako phewa la mtafu ndi ŵangungangamiska khosi lawo ndi ŵangukana kuvwiya.

Jobu 9:4

Ngwazeru mu mtima ndi wakurimba mu nthazi. Njani wajingangamiska kumikana nayo ndi wapunda?

Chituwa 9:7

Ndipo Farao wangutuma ndipo ehe nanga njimoza cha ya ng'ombe za ŵaYisraele yingufwapo. Kweni mtima waku Farao ungunonopeskeka, ndipo kuti wanguŵazomerezga kuruta cha ŵanthu ŵa.

Nthanthi 28:14

Wakutumbikika ndi munthu mweniyo watopa Ambuya nyengo zose, kweni mweniyo wangangamiska mtima wake watuwa mu suzgu.

Nthanthi 28:18

Mweniyo watenda muukongorekwa wakataskikanga, kweni mweniyo ngwakulandizga mu nthowa zake wakawanga mu zenje.

Nthanthi 28:28

Asani wamphulupulu wayuka, ŵanthu ŵabisama, kweni asani wamara, murunji watandana.

Nthanthi 6:15

chifukwa uyowe ukazanga pake kwamabuchibuchi, ruŵi-ruŵi wakaswekanga kwambura machizgika.

Yesaya 28:22

Viyo sono munganyozanga cha, vinu vimangiru vinu vingalimba, pakuti ndavwa langulu la phasulu kutuwa ku Ambuya Chiuta wa maŵanja pa charu chose.

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Yeremiya 14:19

Kumbi mwamukaniya limu Yuda? Kumbi mzimu winu wamutinkha Zioni? Kumbi mwatipumiyanji mwakuti kulivi kuchizgika kwaku ifwe? Tingupenja chimangu, kweni kamampha kakuwoneka cha; nyengo ya kuchizgika, kweni ehe, chofyu.

Yeremiya 17:23

Kweni kuti ŵanguvwa chingana nkhutegherezga cha, kweni ŵangungangamiska khosi lawo, kuti ŵareke kuvwa ndi kuronde chisambizgu.

Yeremiya 36:31

Ndipo ndikamulanganga ndi mphapu yake ndi ŵateŵeti ŵake chifukwa cha utimbanizi wawo; ndikatolenga paku wo, ndi pa ŵakuja mu Yerusalemu, ndi pa ŵanthu ŵaku Yuda, viheni vyose vyo ndikutauliya paku iwo, kweni kuti ŵatuvwa cha.’ ”

Habakuku 2:7

Asi ŵamatewu ŵako ŵayukenge kwamabuchibuchi, ndi kuyuska wo ŵakutenthemeskenge? Penipo uŵenge mskowo kwaku wo.

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Yohane 13:26

Yesu wangwamuka, “Ndi mweniyo ine ndimubwengiyenge chinkhombe, ndi kumpaska.” Ndipo wati wachibwenga chinkhombe, wanguchipaska kwaku Yuda, mwana waku Simoni mKeriote.

Machitidu gha Ŵakutumika 1:18

(Ndipo mweniyo wangujiguliya kacharu ndi mphotu ya uwuraurunji wake; ndipo pakuwa pasi kasindira mutu, wanguphumuka mukati, ndi matumbo ghake ghose ghangupunguka.

Machitidu gha Ŵakutumika 1:25

rongoni mwaku wo ŵaŵi yo mwamsankhiya kuronde chigaŵa cha uteŵete uwu ndi utumi kwaku weniwo wangudezukako Yuda, kwachiruta ku malo ghapa mtima wake.”

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

1 Samuele 2:25

Asani munthu walakwiya munyake, Chiuta wakamuŵiyanga mwenda-pakati; kweni asani munthu walakwiya Ambuya, ndiyani yo wakamuŵeyeriyanga iyo?” Kweni ndipuuli kuti ŵanguvwiya mazu gha auskeu cha; pakuti linguŵa khumbu la Ambuya kuŵabaya.

1 Samuele 2:34

Ndipo chinthu cho chikaŵiyanga ŵana ŵako ŵaŵi, Hofini ndi Finehasi, chikaŵanga chisimikizgu kwaku iwe: wose ŵaŵi ŵakafwanga zuŵa limoza.