Nthanthi 28:21 - Tonga Bible 1986

²¹ Kulongo kweruzgiya lwandi kuti nkhwamampha cha, kweni pa kurgha kumanavi munthu wachimwiyengepo.

Nthanthi 28:21 ပူးပေါင်းရင်းမြစ်များ

Chituwa 23:2

Mungarondonga mpingu wa ŵakuchita uheni; pamwenga kuchita ukaboni mrandu, kupatuka ndi kundondoroska ŵanandi, kwachitimbanizga uneneska,

Chituwa 23:8

Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.

Nthanthi 18:5

Kuti nchamampha cha kuŵa wakususka kumanavi wamphulupulu, pamwenga kumuzgerera cheruzgu chamampha wakurunjika.

Nthanthi 24:23

Yagha nagho ndi mazu ghakukamba ŵazeru. Kweruzga kwambura kufikapo kuti nkhwamampha cha.

Ezekiele 13:19

Mwandifipiska mukati mu ŵanthu ŵangu chifukwa cha manja ghakuzaza barile ndi tivipitika twa chiŵande, kubaya ŵanthu wo kuti ŵangwenere kubayika cha ndi kusunga ŵamoyo ŵanthu wo kuti ŵangwenere kubayika cha ndi kusunga ŵamoyo ŵanthu wo kuti ŵangwenere kusungika ŵamoyo cha, ndi mautesi ghinu ku ŵanthu ŵangu, wo ŵategherezga ku mautesi.

Hoseya 4:18

Mpingu wa ŵaloŵevu, wajipereka ku maureŵi; ŵatanja kulengeskeka kwakuruska unkhankhu wawo.

Mika 3:5

Viyo atiti Ambuya kunena ndi ŵamchimi wo ŵalandizga ŵanthu ŵangu, wo ŵadanirizga kuti, “Chimangu,” po ŵe ndi kanthu kakurgha, kweni ŵalongoso nkhondo paku yo walivi kuŵika kanthu mu milimu yawo.

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

ŴaRoma 16:18

Chifukwa ŵaviyo kuti ŵateŵete Ambuyafwe Kristu cha, kweni linweka laku ŵija; ndipo ndimakambidu ghausarazi ndi ghakufyafyalika ŵafuvya mitima ya ŵakujiyuyuwa.

Marangu 1:17

Mungalereskanga chisku cha munthu, muvwe mumana kwakulingana ndi mura. Mungopanga chisku cha munthu, chifukwa kweruzga nkhwaku Chiuta. Kweni asani mrandu ngunonono kwaku imwe, zani nawo kwangu, Ine ndazakuwuvwa.’

2 Petro 2:3

Ndipo mu chiŵinu ndi mazu ghafuzi ŵakachitiyanga mwinu chanduku; chisusa paku ŵeniwo kutuliya ku mwaka chiura kukotoka, ndi wanangiku wawo uwura kugompho.