Nthanthi 25:18 - Tonga Bible 1986

¹⁸ Munthu mweniyo watole chisimisimi cha utese pa muzengezgani wake, we uli ndi nthonga ya nkhondo, pamwenga lipanga pamwenga muvwi wakuthwa.

Nthanthi 25:18 ပူးပေါင်းရင်းမြစ်များ

Sumu 140:3

Malilime ghawo gharasa nge nga njoka, pasi pa milomo yawo pe urwirwi wa khaku.

Sumu 52:2

Lilime lako le nge ndi lwenbe la kuthwa, iwe wakuchita utimbanizi.

Sumu 55:21

Karongororero kake kenga kakusilirika kwakuruska mafuta gha mukaka, kweni nkhondo yenga mu mtima wake; mazu ghake ghenga gha koloŵa kwakuruska mafuta, kweni ndipuuli ghenga malipanga ghakuwewepuwa.

Sumu 57:4

Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.

Chituwa 20:16

“Ungatoliyanga ukaboni wautesi pa munyako.

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

Nthanthi 24:28

Ungachitiyanga ukaboni wakususkamuzengezgani wako kwambura kafukwa, ndipo ungapusikanga cha ndi milomo yako.

Nthanthi 25:17

Lundi lako lipumuwenge mu nyumba ya muzengezgani wako, vinu wangavuka nawe ndi wangakutinkha.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Yeremiya 9:8

Lilime lawo ndi muvwi wakubaya likamba kwakupusika; ndi mlomo munthu yose wakamba ku mwanasi wake gha chimangu, kweni mu mtima wake warongoso, kumukhazga.

Yakobe 3:6

Ndipo lilime ndi moto; lilime ncharu chambura urunji mukati mu viŵaru vidu, lakukazuzga liwavu lose, lakuŵika pa moto gulinga wa kaŵiru kidu, ndipo lakukozgeka moto ndi gehena.