Nthanthi 25:12 - Tonga Bible 1986

¹² Uli ndi mphete ya golide pamwenga kakuzganga ka golide ndimu walili wakuchenya wazeru ku gutu lakutegherezga.

Nthanthi 25:12 ပူးပေါင်းရင်းမြစ်များ

2 Samuele 1:24

“Imwe mwa ŵana ŵanthukazi ŵaku Yisraele, liriyani Sauli, yo wangumuvwarikani vya kujeduka ndi vyakuworofoka, yo wanguŵika vyakutoweska vya golide pa vyakuvwara vinu.

Jobu 28:17

Golide ndi galasi kuti vingayana nazo cha pamwenga kuti zingaziŵa kusinthaniskika ndi vijewere vya golide lakwengeka cha.

Jobu 42:11

Ndipo ŵabali ŵake ndi ŵazichi ŵake wose, ndi wose wo ŵangumziŵa kali ŵanguza kwaku iyo, ŵangurgha nayo chiŵande mu nyumba yake, ndi ŵangumurongo lisungu ndi ŵangumusangaruska chifukwa cha viheni vyose vyo Ambuya angusiskiya pake, ndipo we yose waku wo wangumpaska ndrama, ndi mphete ya golide.

Sumu 141:5

Munthu wamampha wandilange ndi kundichenya mwa ulemu, kweni kuti ndizomerezgenge muheni kundipaka mafuta ku mutu cha, chifukwa nyengo yose ndirombe pa nchitu zawo ziheni.

Chituwa 32:2

Ndipo Aroni wanguti kwaku wo, “Tuzgani ndeŵereŵi za golide zo ze mu makutu gha ŵawoli ŵinu, ŵana ŵinu ŵanthurumi ndi ŵana ŵinu ŵanthukazi, ndi muze navyo kwangu.”

Chituwa 35:22

Viyo ŵanguza, ŵanthurumi ndi ŵanthukazi so: wose ŵeniwo ŵenga ŵa mtima wakukhumba, ŵanguza ndi ŵaphini, ndi ndeŵereŵi, ndi mphete zakudikizgiya, ndi makoza, vinthu vyose vyakusiyanasiyana vya golide, munthu we yose wangupaturiya mpasku wa golide ku Ambuya.

Nthanthi 15:5

Wakupusa wayuyuwa kwambuzga kwa awiske, kweni yo waphwere kuchenya ngwazeru.

Nthanthi 20:12

Gutu lakuvwa ndi jiso lakuwona, Ambuya akupanga viŵi viyo.

Nthanthi 9:8

Reka kuchenya ŵakuyeya, vinu ŵangakutinkha; chenya munthu wa zeru, ndipo wakakwanjanga.

Wakutaula 7:5

Nkhwamampha munthu kuvwiya kuchenya kwa ŵavinjeru kwakuruska kuvwa sumu za ŵazereza.

Ezekiele 16:12

Ndinguserezge chipini pa mphunu, ndeŵereŵi mu makutu, ndipo ndi chifuku chakunozga ku mutu wako.

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.