Nthanthi 24:28 - Tonga Bible 1986

²⁸ Ungachitiyanga ukaboni wakususkamuzengezgani wako kwambura kafukwa, ndipo ungapusikanga cha ndi milomo yako.

Nthanthi 24:28 ပူးပေါင်းရင်းမြစ်များ

Jobu 2:3

Ndipo Ambuya anguti kwaku Satana, “Wamuteska mteŵeti wangu Jobu kuti palive wakuyana nayo mu charu, munthu wambura kalema, ndimurunji, yo watopa Chiuta ndi wakupatukako ku uheni? Weche kungangamika pa urunji wake, chingana ungunena kuti ndimuparghang'e kwambura kafukwa.”

Sumu 35:11

Ŵakaboni ŵakari ŵayuka; ŵatindifumba vyo ine kuti nditiviziŵa cha.

Sumu 35:7

Chifukwa ŵangundithya chirepa chawo kwambura kafukwa; ŵangukumbiya mbuna umoyo wangu kwambura kafukwa.

Sumu 52:1

Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

Chituwa 20:16

“Ungatoliyanga ukaboni wautesi pa munyako.

Chituwa 23:1

“Mungatanga ukaboni utesi cha. Mungakoleranangaku ndi munthu muheni, kuŵa kaboni murwani.

Nthanthi 14:5

Kaboni mukongolekwa kuti wanama cha, kweni kaboni mutesi wapingiya maboza kubwalo.

Nthanthi 19:5

Kaboni mutesi kuti walekenge kulangika cha, ndipo mweniyo wakamba mautesi kuti wathaŵenge cha.

Nthanthi 19:9

Kaboni mutesi kuti warekenge kulangika cha, ndipo mweniyo wakamba mautesi wakafwanga.

Nthanthi 21:28

Kaboni mutesi wakamaranga, kweni mazu gha munthu yo watuvwa ghakajaliriyanga.

Nthanthi 25:18

Munthu mweniyo watole chisimisimi cha utese pa muzengezgani wake, we uli ndi nthonga ya nkhondo, pamwenga lipanga pamwenga muvwi wakuthwa.

Nthanthi 26:19

ndi munthu mweniyo wapusika muzengezgani wake ndi watiti, “Ndipekura waka!”

ŴaLevi 19:11

“Mungabanga, chingana nkhuchita kwakupusika cha, chingana nkhunenerana ndi munyinu utesi.

ŴaLevi 6:2

“Asani we yose walakwa ndipo wasiya umagomekezgeka ku Ambuya, pakupusika muzengezgani wake, pakusungizga kanthu pamwenga chikoli, pamwenga pakuba, pamwenga pakuyuzga muzengezgani wake.

ŴaLevi 6:3

Pamwenga asani pakubowozga cho chingusoŵa ndipo iyo wakambiyapo utesi ndi kurapa kwakupusika, mu vinthu vyose vyo ŵanthu ŵachita ndi walakwa.

Mateyu 27:23

Ndipo wanguti iyo, “Chifukwa chine? Wachita chiheni nichi?” Kweni iwo ŵangukambura ukongwa, kuti, “Wapayikike!”

Yohane 15:25

Kweni nchakuti ghafiskike mazu gho ghalembeka mu langulu lawo, ‘Wangunditinkha waka.’

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

ŴaKolose 3:9

Mungateterananga cha; pakuti mwazuwa munthu wakali pamoza ndi machitidu ghake,

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.