Nthanthi 24:17 - Tonga Bible 1986

¹⁷ Ungakondwerenga asani wakupindikana wako watuwa, ndipo mtima wako ungasekeriyanga wachiguŵa;

Nthanthi 24:17 ပူးပေါင်းရင်းမြစ်များ

2 Samuele 3:32

Ŵanguŵika Abnere pa Hebroni; ndipo karonga wangusamphuska mazu ghake wanguliya pa muunda waku Abnere, ŵanthu wose ŵanguliya.

Jobu 31:29

“Asani ndakondwere ndi soka laku yo wangunditinkha, pamwenga kujitukumuwa po wangusanirika ndi uheni

Sumu 35:15

Kweni pakuguŵa kwangu ŵanguwungana kundiseka, ŵanguwungana pamoza kumikana nane; ŵakupunduka ŵeniwo kuti ndinguŵaziŵa cha ŵangundikambiya utesi kwambura kurekezga;

Sumu 35:19

Kuti ŵakondwe paku ine cha, wo mbamawongo ŵangu kwambura kafukwa, ŵareke kuphaniya jiso ŵakunditinkha kwawaka.

Sumu 42:10

Kutombozga kwa ŵakupindikana nane; kwenge ndi bala la nyifwa mu liŵavu langu, po ŵakamba nane kwambura kurekezga, wepani, “Chiuta wako?”

Nthanthi 17:5

Mweniyo wanyoza wakusauka watuka Mulengi wake; mweniyo ngwakukondwa pa soka kuti walekekenge kulangika cha.

Nthanthi 24:18

Vinu Ambuya angawonako ndiangakalipa, ndi kutuzgako kwaku iyo ukari wawo.

Obadiya 1:12

Kweni iwe, mphanyi ungwene ndi zuŵa la mbali wako, zuŵa la soka lake; kuti mphanyi wakondwa cha ndi ŵanthu ŵaku Yuda mu zuŵa la pharghaniko lawo; kuti mphanyi wajikuzga cha, mu zuŵa la suzgu.

Mika 7:8

Mungasekeriyanga paku ine cha, mwa ŵarwani ŵangu, ndichiwa, nkhayukanga; ndichija mu mdima, Ambuya akaŵanga ukweru kwaku ine.

Ŵeruzgi 16:25

Ndipo po mitima yawo yasekerenga wanguti, “Kamutoni Samsoni, wazitisekeskepo.” Viyo ŵangwachimuto Samsoni ku nyumba ya ukaidi, ndipo wangusekeska paurongo pawo. Wangumumika pakati pa mizati;