Nthanthi 21:31 - Tonga Bible 1986

³¹ Kavalo warongosoleke zuŵa lankhondo, kweni kupunda nkhwa Ambuya.

Nthanthi 21:31 ပူးပေါင်းရင်းမြစ်များ

2 Samuele 23:12

Kweni iyo wanguma gwa mukati mu munda, wanguwuvikiriya, ndipo wangukoso ŵaFilisti, ndipo Ambuya anguchita upundi weni ukuru.

Sumu 144:10

mupaska upundi ku ŵakaronga, ndi kuwombo mteŵeti winu Davidi.

Sumu 147:10

Likondwa lake kuti lemu ŵakavalo ŵanthazi cha, nanga nchimwemwe chake mu marundi gha munthu;

Sumu 20:7

Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu.

Sumu 20:8

Iwo ŵabwanthuskikenge ndi kuwa pasi; kweni ifwe tikayukanga ndi kuma chiliri.

Sumu 3:3

Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

Sumu 3:8

Utaski weku Ambuya; chitumbiku chiŵe pa ŵanthu ŵinu!

Sumu 68:20

Chiuta widu ndi Chiuta wa utaski; ndi Ambuya, Mbuyafwe, yo watitipozomoska ku nyifwa.

Wakutaula 9:11

Ndinguwona so kuti panu pasi maphara kuti gheku ŵapusu cha, nanga ndi nkhondo kuti yaku ŵanthazi cha, nanga nkhurgha ku ŵazeru, nanga mbusambasi ku ŵakuwamo nanga mbulemu ku zing'ombwa cha: kweni nyengo ndi mwaŵi viŵiya kwaku wose.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yeremiya 3:23

Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

1 ŴaKorinte 15:57

Kweni viwongo viŵiye Chiuta, yo watipaska upundi mu Ambuyafwe Yesu Kristu.