Nthanthi 19:29 - Tonga Bible 1986

²⁹ Kususkika kulindizga wakunyoza, ndi kukhwechuwa nkhwa ku musana kwa ŵabereŵeza.

Nthanthi 19:29 ပူးပေါင်းရင်းမြစ်များ

2 ŴaKaronga 2:24

Wangung'anamuka, ndipo wanguti waŵaona, wanguŵatemba mu zina la Ambuya. Ndipo kungusotopoka ŵabera ŵaŵi ŵanthukazi ku dondo ŵanguparuwa machumi ghaŵi gha ŵahurwa wo.

Sumu 1:1

Wakutumbikika ndi munthu yo kuti watenda mu fundu ya ŵaheni cha, ndi mu nthowa ya ŵakunanga kuti watuma cha, nanga ndimukuteka kwa ŵakuyeya kuti wajamo cha.

Nthanthi 1:22

“Mpaka zuŵanji, mwaŵana, mwanjenge vya chiwanamana? Mpaka zuŵanji ŵakutafura ŵakakondwerenga mu kutafura kwawo ndi ŵakupusa kutinkha zeru?

Nthanthi 1:26

nani so ndikasekanga pa suzgu yinu ndikahoyanga penipo mukawopanga,

Nthanthi 10:13

Pa mlomo waku yo ngwakuwamo pasanirika zeru, kweni ndodo nja pa msana paku yo walivi chinjeru.

Nthanthi 17:10

Kuchenya kusere pasi ukongwa mumunthu wakuwamo kwakuruska mbunu machumi pe chumi pa wakupusa.

Nthanthi 18:6

Milomo ya wakupusa yituza ndi ndeu, ndipo mlomo wake udana vikoti.

Nthanthi 26:3

Liswazu la kavalo, chakukoloŵeke mu mphunu cha mbunda, ndi ndodo ya pa msana wa ŵabereŵeza.

Nthanthi 3:34

Ku ŵakuyeya, iyo ngwakuyeya, kweni ku ŵakujiyuyuwa walongo mwaŵi.

Nthanthi 7:22

Mbwenu ruŵi-ruŵi watimurondo, uli ndi ng'ombe yitiya kukubayika, pamwenga uli ndi nyama yakoleka kwakufyeka

Nthanthi 9:12

Asani we wazeru, we wazeru kwaku wamweni; asani uyeya, wamweni wija ukakomwanga.

Yesaya 28:22

Viyo sono munganyozanga cha, vinu vimangiru vinu vingalimba, pakuti ndavwa langulu la phasulu kutuwa ku Ambuya Chiuta wa maŵanja pa charu chose.

Yesaya 29:20

Pakuti ŵankhaza ŵakachitikanga vyaŵakaŵaka ndi ŵakunyoza ŵakalekanga, ndipo wose wo ŵalereze kuchita uheni ŵakadumulikangako,

Marangu 25:2

Sono asani munthu wakulakwa watenere kupumika, mweruzgi walangulenge kuti wale pasi, pa maso pake ndi kupumika ndi mbumu zinandi kwakuyana ndi kulakwa kwake.

ŴaHebere 12:6

chifukwa mweniyo Mbuya watanja wamlanga, ndipo wamkhwechuwa mwana yose yo waronde.”