Nthanthi 16:24 - Tonga Bible 1986

²⁴ Mazu ghakukondwereska ghachita uli nchisa cha njuchi, kunowa ku mzimu ndi umoyo wamampha ku liŵavu.

Nthanthi 16:24 ပူးပေါင်းရင်းမြစ်များ

Sumu 119:103

Nako nkhunowa kwa mazu ghinu pakughesa; mu mlomo wangu ghanowa kwakuruska uchi!

Sumu 19:10

Vyakukhumbikwa ukongwa kuruska golide, kuruska golide munandi wakwengeka; vyakusamuka so kuruska uchi, kuruska uchi wakunthona mu chisa.

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

Nthanthi 15:23

Kwamuka kwaruŵi ndi likondwa ku munthu, ndipo mazu mu nyengo yake, kuti nkhunozga cha!

Nthanthi 15:26

Marunguruku gha wamphurupuru mbukazuzi ku Ambuya, mazu gha wakutowa ghatuŵakondwereska.

Nthanthi 17:22

Mtima wakusangaruka ndimunkhwara wamampha, kweni mzimu wa chitima umizga viwanga.

Nthanthi 23:16

Mzimu wangu ukasekerenga penipo milomo yako yikamba cho nchakurunjika.

Nthanthi 27:9

Mafuta ndi vyachema vikondwereska mtima, kweni mzimu uparuka ndi suzgu.

Nthanthi 3:8

Ichi chikaŵanga kuchizga ku nyama yako ndi kututuvya ku viwanga vyako.

Nthanthi 4:22

Pakuti yigho mbumoyo kwaku mweniyo watighasaniya, ndipo nkhuchizga ku nyama yake yose.

Wakutaula 12:10

Wakutaula wangupenja kusaniya mazu ghakukondweska, ndipo kwakunyoroska wangulemba mazu ghakuneneska.

Sumu ya Zisumu 4:11

Milomo yako yinthona uchi, bwezi langu lanthengwa; uchi ndi mkaka vye pasi pa lilime lako; fungu la vivwaro vyako liyana ndi fungu laku Lebanoni.

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Marangu 32:2

Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.

Chivumbuzi 10:10

Ndinguronda kabuku ku janja la mungelo yo, ndingukaswita; ndipo mu mlomo wangu kenga kakusamuka nge mbuchi; kweni ndati ndakaswita, mumoyo mwangu munguŵaŵa.