Nthanthi 16:10 - Tonga Bible 1986

¹⁰ Kudumuwa makani kwakufiskika kwe pa milomo ya karonga, mlomo wake kuti ulakwa cha mu cheruzgu.

Nthanthi 16:10 ပူးပေါင်းရင်းမြစ်များ

Chiyambo 44:15

Yosefe wanguti kwaku wo, “Cho mwachita nchinthu uli? Kumbi kuti muziŵa cha kuti munthu wakuŵa nge ndine wangaziŵa kombeza?”

Chiyambo 44:5

Asi wamwiya mwaku mweniyo mbuya wangu, ndipo wawombeze mwenuyu? Mwalakwa pakuchita viyo.’ ”

2 Samuele 14:16

Pakuti karonga wakavwanga, ndipo wataskenge mteŵeti wake ku janja la munthu yo wakhumba kunanga umoyo wangu pamoza ndi umoyo wa mwana wangu kutituzgako ku chihara chaku Chiuta.’

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

2 Mikoka 26:16

Kweni wanguti waŵa wanthazi wanguŵa wakujikuzga mpaka ku pharghaniko lake. Pakuti wenga mutese ku Ambuya Chiuta wake ndi wangusere mu kasopi wa Ambuya kuchocha vyakununkhira pa jochero la vyakununkhira.

Sumu 99:4

Karonga wanthazi, wakwanjaurunji; mwapereka cheruzgu paku Yisraele; mwaŵapaske urunji ndi umampha.

Nthanthi 29:4

Ndi cheruzgu chirunji karonga wapereka ujazi wa chimangu ku charu, kweni mweniyo ngwalikwanu kwanu la vyaulera watichibwanganduwa.

Hoseya 10:4

Ŵakamba mazu ghaŵaka; ndi ŵarapa ŵaka pakuchita mapanganu viyo cheruzgu chibuka nge ndi uteka wakuŵaŵa mu migando yamu munda.

Amosi 5:7

Imwe musanduska cheruzgu kuŵa cha kuŵaŵa, ndi kutaya pasi urunji!

Amosi 6:12

Kumbi ŵakavalo ŵachimbiya pa majarawi? Kumbi munthu wangaziŵa kulima nyanja ndi mithenu? Kweni mwasanduska cheruzgu kuŵa ndulu ndi vipasi vya urunji kuŵa vyakuŵaŵa