Nthanthi 16:1 - Tonga Bible 1986

¹ Vyakulongoso vya muwongu vya munthu, kweni kwamuka kwa lilime kutuwa ku Ambuya.

Nthanthi 16:1 ပူးပေါင်းရင်းမြစ်များ

2 Samuele 7:5

“Ruta kamunene mteŵeti wangu Davidi, ‘Viyo atiti Ambuya: Kumbi undizengiyenge ine nyumba yakujamo?

2 Mikoka 18:31

Ndipo po ŵachirongozgi ŵa magareta ŵanguwona Yehosafati, ŵatinge, “Ndi karonga waku Yisraele.” Viyo ŵanguwunjikana kupong'ana nayo: ndipo Yehosafati wangudanirizga ndipo Ambuya angumovya. Chiuta wanguŵanderezge kutali kutuwa kwaku iyo,

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Jobu 17:11

Mazuŵa ghangu ghajumpha, ndipo fundu zangu zasweka, makhumbu gha mtima wangu.

Sumu 10:17

Ambuya, imwe mukavwanga khumbo la ŵakuzika; mukakhozganga mitima yawo, mutegherezgenge gutu linu,

Sumu 119:36

Mtima wangu urazge ku visimisimi vinu, kwakuruska kukwanduwa usambasi.

Chituwa 4:15

Iwe ukambenge nayo ndipo ukaŵikanga mazu gho mu mlomo wake; ndipo ine ndikaŵanga ndi mlomo wako ndi mlomo wake, ndipo ndikakusambizganinga chenicho mwamuchita.

Nthanthi 15:33

Kopa Ambuya nkhusambizga mu zeru, ndipo ulemu kujiyuyuwa kudanjiya paurongo.

Nthanthi 16:9

Muwongo wa munthu urongoso nthowa yake, kweni Ambuya arongozga muchapu wake.

Nthanthi 19:21

Maghanoghano nganandi mu muwongo wa munthu, kweni nchenicho chakukhumba Ambuya cho chikachitikanga.

Nthanthi 20:24

Michapu ya munthu yilangulika ndi Ambuya; na munthu wangawamo uli nthowa yake?

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Yeremiya 10:23

Ndiziŵa, Ambuya, kuti nthowa ya munthu kuti ye mwaku iyo mweneko cha, kuti nkhwa munthu yo watenda cha kunyoroska menderu ghake.

2 ŴaKorinte 8:16

Kweni wawongeke Chiuta, yo waŵikamu mtima waku Tito linweka lenilo pe lapa chifwa chaku imwe.

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.