Nthanthi 14:32 - Tonga Bible 1986

³² Wamphulupulu wathereskeka ndikuchita kwake kwa uheni, kweni marunji wasaniya chakubisamamo chifukwa cha ukongorekwa wake.

Nthanthi 14:32 ပူးပေါင်းရင်းမြစ်များ

Chiyambo 49:18

Ndilindizga utaski winu, Ambuya.

Jobu 13:15

Ehe, wakandibayanga; ndilive chigomezgu; ndipuuli nkhavikiriyanga nthowa zangu pa maso pake.

Jobu 18:18

Wachimbizgika kutuwa ku ukweru kuya ku mdima, ndi wazirimitiya mu charu cha ŵamoyo.

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Sumu 37:37

Thoŵani munthu wambura kalema, ndi lereskani wakunyoroka, pakuti ku munthu wa chimangu yiŵengeko mphapu yakuvuli.

Sumu 58:9

Sosonukweni, mimphika yinu yenga yindakonde moto wu minga pamwenga yiŵisi pamwenga yakukore, waŵatuzgengepo wose tetete.

Sumu 73:24

Mutindirongozga ndi chirunguchizgu chinu, ndipo pa umari mwa mkundironde ndi chitumbiku.

Nthanthi 11:5

Urunji wa wambura kalema unyoroska nthowa yake, kweni wa mphulupulu zitumuwiska mphulupulu za mweneko.

Nthanthi 14:33

Zeru yija mu muwongo wa munthu wa wakuwamo, kweni kuti yiziŵika cha mu mtima wa wakupusa.

Nthanthi 24:16

pakuti munthu murunji watuwankhonde ndi kaŵi ndipo wayuka so; kweni ŵamphulupulu ŵathereskeka ndi suzgu.

Nthanthi 5:22

Mphurupuru za muheni zitumuthya ndipo wawira mu kuchita kwa uheni wake.

Nthanthi 6:15

chifukwa uyowe ukazanga pake kwamabuchibuchi, ruŵi-ruŵi wakaswekanga kwambura machizgika.

Luka 2:29

“Sono mfwatuweni muŵanda winu, Ambuya, mwa nkhani yinu, mu chimangu,

Yohane 8:21

Wanguŵanene so, “Ine ndiruta, ndipo mundilembenge, mufwenge mu ulakwi winu: kweniko ndita, kuti muziŵa kuzako imwe cha.”

Yohane 8:24

Ndingukuneniyani kuti mufwenge mu vilakwa vinu: chifukwa asani mureka kuvwana kuti ine ndine iyo, mufwenge mu vilakwa vino.”

ŴaRoma 9:22

Kweni na kwati asani Chiuta, chingana wakhumba kurongo kandundu kake ndi kusimikizga nthazi yake, mu kuzuzipizga kukuru wangulekerezga ŵanthu wo wangukaripa nawo ndi kuŵarongosole ku wanangiku;

2 ŴaKorinte 1:9

Inya, tingufikapo mtima kuti nadi tatemeke ku nyifwa. Ichi chingutiŵiya alinga kuti tireke kugomekezga mwaku taŵeni, kweni mwaku Chiuta mwaniyo wayuska ŵakufwa;

2 ŴaKorinte 5:8

Kweni tikwimadi mtima ndipo ukongwako tinweka kutuwamo mu liŵavu ili ndi kwachija ndi Ambuya.

ŴaFilipi 1:21

Chifukwa kwaku ine kujariya wamoyo ndi Kristu, ndipo kufwa nchanduwu.

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.

Chivumbuzi 14:13

Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”