Nthanthi 14:31 - Tonga Bible 1986

³¹ Mweniyo wasauska munthu wakusauka watuka Mulengi wake, kweni mweniyo ngwawezi ku wakusauka watimutumbika.

Nthanthi 14:31 ပူးပေါင်းရင်းမြစ်များ

Jobu 24:4

Ŵapatuska ŵakavu kuti ŵatuwemo mu nthowa; ŵasauchi ŵamu charu wose ŵajibisa ŵeneko.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Nthanthi 14:21

Mweniyo wayuyuwa muzengezgani wake ngwa mphulupulu, kweni walikondwa ndi mweniyo wachita wezi ku wakusauka.

Nthanthi 17:5

Mweniyo wanyoza wakusauka watuka Mulengi wake; mweniyo ngwakukondwa pa soka kuti walekekenge kulangika cha.

Nthanthi 19:17

Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.

Nthanthi 22:16

Mweniyo wasauska mukavu pakukhumba kwandaniska uromba wake, pamwenga wapaska ku musambasi wakakhumbilanga pavuli.

Nthanthi 22:2

Musambasi ndi mukavu ŵakumana pamoza; Ambuya ndiwo Mlengi waku iwo wose.

Nthanthi 28:8

Mweniyo watandaniska usambasi wake ndi kubwerekeska kwakuŵikiyapo ndi kwandaniska waunjikiya mweniyo wendi wezi ku ŵakavu.

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

ŴaLevi 25:17

Mungazgelerananga cha, kweni mukawopanga Chiuta winu; pakuti Ndine Ambuya Chiuta winu.

ŴaLevi 25:35

“Ndipo asani mwana munyako ndi msauchi ndipo watondeka kuja umampha paku iwe, utenere kumusunga ndiwe; wakaŵanga uli ndi mlendo ndi wakutandara wachija nawe.

Yohane 12:8

Chifukwa mwe nawo ŵakavu pamoza namwe nyengo zose; kweni kuti mwe ndi ine nyengo zose cha.”

Marangu 24:14

“Mungayuzganga mteŵeti wakurembereka mweniyo ndi mukavu ndi musauchi, manyi njumoza wa ŵabali ŵinu pamwenga yumoza wa ŵalendo ŵeniwo ŵemu charu chinu mukati mu mizi yinu.

1 Yohane 4:21

Ndipo dangu lenili tenalo kutuliya kwaku iyo, lakuti mweniyo ngwakumwanja Chiuta, wanjenge so mbali wake.