Nthanthi 14:30 - Tonga Bible 1986

³⁰ Muwongo wakuzika upaska umoyo ku nyama, kweni ukari uvundiska viwanga.

Nthanthi 14:30 ပူးပေါင်းရင်းမြစ်များ

1 ŴaKaronga 21:6

Ndipo iyo wanguti, “Chifukwa ndingukamba ndi Naboti mu Yezerele ndinguti, ‘Undipaske munda wako wa mphereska tigulane ndi ndrama; pamwenga napu, asani chingakukondweska, ndikupaske munda unyake wa mphereska kugulizgana’; ndipo iyo wangwamuka, ‘Kuti ndikupaskenge cha munda wangu wa mphereska.’ ”

Jobu 5:2

Nadi ukari ubaya wakupusa ndipo sanji yibaya wakuyuyuka.

Sumu 112:10

Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.

Sumu 119:80

Mtima wangu uvwiye malangulu ghinu, mwakuti ndireke kulengeskeka.

Nthanthi 12:4

Muwoli wamampha nchisoti cha mrumi wake, kweni mweniyo watole soni we uli nkhuvunda mu viwanga vya mrumi wake.

Nthanthi 15:13

Mtima wakukondwa usangaruska chisku, kweni chifukwa cha chitima mu mtima mzimu usweka.

Nthanthi 17:22

Mtima wakusangaruka ndimunkhwara wamampha, kweni mzimu wa chitima umizga viwanga.

Nthanthi 3:8

Ichi chikaŵanga kuchizga ku nyama yako ndi kututuvya ku viwanga vyako.

Nthanthi 4:23

Sunga mtima wako ndi kulereska kose, pakuti kwaku gho kupopoma tumisinje twa umoyo.

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.

Machitidu gha Ŵakutumika 7:9

“Ndipo ŵambuya wo pakuchitiya Yosefe chiŵinu, ŵangumuguliska ku Egipiti; kweni Chiuta wenga nayo,

ŴaRoma 1:29

pakuzazika iwo ndi uwuraurunji wose, uheni, bina, nkhaza; pakuzara chiŵinu, mbanda, ndeu, fuzi, kapimidu kaheni; ŵamtokutoku,

2 Timote 1:7

Chifukwa Chiuta wengavi kutipaska mzimu wa chitenthe, kweni wa nthazi ndi wa chanju ndi wa chilangwa.

Yakobe 4:5

Pamwenga kumbi murunguruka kuti lembo lo likamba waka, “Wanweke kwasanji mzimu wo wajariska mwidu?”