Nthanthi 13:20 - Tonga Bible 1986

²⁰ Mweniyo watenda pamoza ndi ŵanthu ŵazeru, wasanduka kuŵa wa zeru, kweni wakukwatikana ndi wakupusa wakapotekekanga.

Nthanthi 13:20 ပူးပေါင်းရင်းမြစ်များ

Chiyambo 14:12

ŵanguto so Lote mwana wa mhurwa waku Abramu yo wajanga mu Sodomu, ndi vyuma vyake, ndi ŵanguruta.

1 ŴaKaronga 12:10

Ndipo ŵanyamata wo wangukuliya nayo pamoza ŵanguti, “Viyo ndimu mukambiyi ndi ŵanthu ŵeniwo ŵanguti kwako, ‘Ausu ŵanguzitiska goŵa lidu, kweni iwe utiyuyuske.’ Uŵanene kuti, ‘Chikumbu changu chimana nchikhomi kwakuruska chiunu cha ada.

1 ŴaKaronga 12:8

Kweni wanguleka fundu zo ŵaraŵara wangumupaska wanguchita upu ndi ŵanyamata ŵeniwo wangukuliya nawo pamoza ndi ŵanguma paurongo pake.

1 ŴaKaronga 22:32

Ndipo penipo ŵarongozgi ŵa nkhondo ŵa magareta ŵanguwona Yehosafati, ŵatinge, “Kwakuneneska yuwa ndi karonga wa ŵaYisraele.” Viyo ŵangung'anamukiya kwake kurwana nayo: ndipo Yehosafati wangukambura.

1 ŴaKaronga 22:4

Ndipo wanguti kwaku Yehosafati, “Kumbi mungaruta nane ku nkhondo ku Ramoti-gileada?” Ndipo Yehosafati wanguti ku karonga ŵaYisraele, “Ine ndenge ndimo uliri iwe, ŵanthu ŵangu nge ndimo ŵaliri ŵanthu ŵako, ŵakavalo ŵangu mo ŵaliri ŵakavalo ŵako.”

2 Mikoka 10:8

Kweni iyo wangujowo fundu yo madoda ghangumpangizga, wangufumbana ndi ŵanyamata ŵanthanga yake wo wenga nawo pamoza.

2 Mikoka 19:2

Kweni Yehu mwana waku Hanani muwona wanguruta kwachikumana nayo, wanguti kwaku Yehosafati, “Kumbi ukwenere kovya ŵaheni ndi kwanja wo ŵatinkha Chiuta? Pa chifukwa ichi kandundu kaku Chiuta ke paku iwe.

2 Mikoka 22:4

Wanguchita uheni pa maso ghaku Chiuta nge mba nyumba yaku Ahabu; chifukwa ndiwo ŵenga ŵaupu wake pavuli ŵati ŵafwa awiske kufikiya kupharghaniko lake.

Sumu 119:63

Nde bwezi laku wose wo ŵatopa imwe; laku wose wo ŵavwiya marangu ghinu.

Nthanthi 13:19

Khumbu lakufiskika ndakunowa ku mzimu, kweni kutuwako ku uheni mbukazuzi ku wakupusa.

Nthanthi 14:7

Mu kureke kuŵapo kwawakupusa, pakuti penipa kuti mukumanapo ndimazu gha chinjeru cha.

Nthanthi 15:31

Mweniyo gutu lake liphwere kuchenyeka kwamampha wakajanga mukati mu ŵazeru.

Nthanthi 22:24

Reka kuchita ubwezi ndi munthu mweniyo ngwa chikalalizga chingana nkhurongozga ndi munthu wa ukari,

Nthanthi 22:25

vinu ungasambira nthowa zake, ndi ungawira mu chiŵana.

Nthanthi 7:27

Nyumba yake ndi nthowa yakuya ku muunda, yakusere pasi ku vipinda vya nyifwa.

Nthanthi 9:6

Ureke uzereza, ndi uŵe wamoyo, ndipo wendenge mu nthowa ya vinjero.”

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

Machitidu gha Ŵakutumika 2:42

Ndipo ŵajaririyanga chitatata mu chisambizgu cha ŵakutumika, ndi mu wanase wo, ndi mu chimenya cho cha chiŵande, ndi mu marombo gho.

ŴaHebere 10:24

ndipo tipimirane kwachikhu ŵirizgiyana ku chanju ndi ku nchitu zamampha;

Chivumbuzi 18:4

Ndipo ndinguvwa mazu ghanyake kutuwa kuchanya, ghakuti, “Tuwanimo mwake, mwa khamu langu, alinga kuti mureke kusanganapo pa vyakulakwa vyake, ndi kuti ku videru vyake mureke kuŵa nayo pamoza;