Nthanthi 12:24 - Tonga Bible 1986

²⁴ Janja la wakutakataka likausanga, penipo mukata wakaŵikikanga ku nchitu yakuchizgika.

Nthanthi 12:24 ပူးပေါင်းရင်းမြစ်များ

Chiyambo 49:15

wanguwona kuti malo gha chipumulu ghenga ghamampha ndi kuti charu chenga chakukondweska; viyo wanguŵeramiya phewa lake ku chinyama ndipo wangusanduka muŵanda ku nchitu yakuchichizgika.

1 ŴaKaronga 11:28

Yeroboamu wenga munthu wavinjeru, ndipo penipo Solomoni wanguwona kuti munyamata uyu wenga wakutakataka ukongwa wangumupaska mtufu wakutufuliya ŵanchitu ŵakuchichizgika ŵa nyumba yaku Yosefe.

1 ŴaKaronga 12:20

Ndipo ŵaYisraele wose ŵanguti ŵavwa kuti Yeroboamu wakuwe, ŵangutuma ndi ŵangumudana kuza ku unganu ndipo ŵangumuserezga ufumu wapaku Yisraele yose. Pengavi nanga njumoza yo wangurondo nyumba yaku Davidi, kweni mtundu waku Yuda pe.

1 ŴaKaronga 9:21

Ŵana ŵawo wo ŵangusiyika pavuli pawo mu charu, ŵeniwo ŵaYisraele ŵangutondeka kuŵamariya limu; yaŵa Solomoni wanguŵachita msonkho wa ŵaŵanda, viyo ndimu ŵaliri mpaka zuŵa lino.

Nthanthi 10:4

Janja lakutomboloka lipaska ukavu kweni janja la warwana liremereska.

Nthanthi 12:27

Munthu mukata kuti wakayikonga cha nyama yake, kweni munthu wakutakataka yo wakalondanga chuma chakuzirwa.

Nthanthi 13:4

Mzimu wa mukata upemphapempha ndipo kuti uronde kanthu cha, penipo mzimu wa wakutakataka upaskika usambasi.

Nthanthi 17:2

Muŵanda mweniyo wachita kwa zeru wakausanga pa mwana mweniyo wachita kwachilengesku, ndipo wakasanganangapo chihara uli njumoza wa ŵana ndi ŵana.

Nthanthi 19:15

Ukata utaya mutulo tuzitu, ndipo munthu mulesi wakakomwanga ndi nja.

Nthanthi 22:13

Mukata watiti, “Kwe nkharamu kubwalo! Ndikabayikanga mu mseu!”

Nthanthi 22:29

Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

Ŵeruzgi 1:28

Penipo ŵaYisraele ŵangukuwa munthazi ŵanguŵika ŵaKanani ku nchitu yakuchichizgika, kweni kuti ŵanguŵadikiskamo wose cha.