Nthanthi 11:24 - Tonga Bible 1986

²⁴ Munthu yumoza wapaska kwa wanangwa, kweni vyose vikuwa kusambasa ukongwa; munyake wakaniriya chenicho wangapaska, ndipo wakomwa vichimusoŵa.

Nthanthi 11:24 ပူးပေါင်းရင်းမြစ်များ

2 Mikoka 31:10

Azariya mzukuru mura yo wenga wa mbumba yaku Zadoki, wangumwamuka kuti, “Kwamba po ŵakwambiya kuza ndi mithulu ku nyumba ya Ambuya, targha kwakufikapo, ndipo tendi vinandi vyakujako, chifukwa Ambuya atumbika ŵanthu ŵawo, viyo tendi vinthu vinandi mu nkhokwe vyakujapo.”

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Nthanthi 11:23

Kunweka kwamurunji kumaliya mu umampha pe, gomezgu la wa mphurupuru mu ukari.

Nthanthi 11:25

Munthu mwanangwa wakalemeranga, ndipo mweniyo wadiriya maji nayo wakadirikiyanga maji.

Nthanthi 13:7

Munthu yumoza watiji yikamo kuti ndi msambasi, kweni walivi kanthu; munthu munyake watijiyikamo kuti ndi mukavu, kweni we ndi usambasi unandi.

Nthanthi 19:17

Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.

Nthanthi 28:27

Mweniyo wapaska mukavu kuti wakavukenge cha, kweni mweniyo wabisa maso ghake warondenge matembu ghanandi.

Nthanthi 28:8

Mweniyo watandaniska usambasi wake ndi kubwerekeska kwakuŵikiyapo ndi kwandaniska waunjikiya mweniyo wendi wezi ku ŵakavu.

Wakutaula 11:6

Umije mbeu yako ndi mlenjilenji, ndipo ndi mazulo ureke kuko janja lako; pakuti kuti uziŵa cha zo zandanenge, izi pamwenga ziya pamwenga vinu zose ziŵi zikaŵanga zamampha kwakukozgana.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

Luka 6:38

paskani, ndipo kupaskikenge kwaku imwe; mweso weneko, wakusindirika, ndi wakuyungunika, ndi wakufwapuka, ŵapaskenge mu chifuŵa chino chifukwa ndi mweso wo mutese, wesekiyenge so kwaku imwe.”

Marangu 15:10

Mumupaske kwawanangwa, mtima winu ungakwininikanga cha pakumupaska. Pa chifukwa ichi Ambuya Chiuta winu wakamutumbikaninga mu nchitu yinu yose, ndi mwaku chose cho mukatonga.