Nthanthi 10:20 - Tonga Bible 1986

²⁰ Lilime la murunji ndi siliva wakusankhika. Muwongo wa wamphurupuru utenere kamanavi.

Nthanthi 10:20 ပူးပေါင်းရင်းမြစ်များ

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Sumu 37:30

Mlomo wa wakurunjika ukamba zeru, lilime lake likamba cheruzgu.

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

Nthanthi 15:4

Lilime lakuzika ndi muti wa umoyo, kweni kulandizga kwamukati mwake kunanga mzimu.

Nthanthi 16:13

Milomo yirunji ndi likondwa lakaronga, ndipo watanja mweniyo wakamba chenicho nchamampha.

Nthanthi 20:15

Pe golide, ndi mya yinandi ya mutengo yikuru, kweni milomo ya zeru ndi mwa wa mutengo ukongwa.

Nthanthi 23:7

pakuti we uli ndi mweniyo waŵerenge mukati. Iyo watiti kwako, “Rghanga ndi kumwa”; kweni mutima wake kuti we pamoza nawe cha.

Nthanthi 8:19

Chipasi changu nchamampha kwakuruska golide, chingana ndi golide wakwenguwa, ndi chanduwu changu chiruska siliva wakusankhika.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?