Nthanthi 1:31 - Tonga Bible 1986

³¹ chifukwa cho ŵakarghanga chipasi cha nthowa yawo ndi kuŵa ŵakuguta ndi fundu za ŵeneko.

Nthanthi 1:31 ပူးပေါင်းရင်းမြစ်များ

Jobu 4:8

Nge ndimo ndawone wo ŵalima kwananga ndi kuseŵa suzgu, ŵavuna vyenivyo.

Sumu 81:13

Owe ŵanthu ŵangu mphanyi ŵangundivwa, mphanyi Yisraele wangwenda mu nthowa zangu!

Nthanthi 12:14

Kutuwa ku chipasi cha mazu ghake munthu wakhorweskeka ndi umampha, ndipo nchitu ya janja la munthu yiwere ku mweneko.

Nthanthi 13:2

Ku chipasi cha mlomo wake munthu wamampha waturgha umampha, kweni khumbo la wakunyenga ndaku ndeu.

Nthanthi 14:14

Munthu wakulandizga wakazazikanga ndi chipasi cha nthowa zake, ndipo munthu wamampha ndi chipazi cha nchitu zake.

Nthanthi 22:8

Mweniyo wapanda cheruzgu chizira-urunji wakavunanga soka likuru ndipo ndodo ya ukari wake yikatondekanga.

Nthanthi 5:22

Mphurupuru za muheni zitumuthya ndipo wawira mu kuchita kwa uheni wake.

Nthanthi 5:23

Watufwa chifukwa chakuwulavi kuvwiya dangu, ndipo chifukwa cha kupusa kwake kukuru wasoŵa.

Nthanthi 8:36

kweni yo wapambana nane watijipweteka mweneko, wose ŵeniwo ŵatinkha ine ŵatanja nyifwa.”

Yesaya 66:4

nani mbwenu ndikaŵasankhiyanga yuzgu, ndi kutole mantha ghawo paku iwo ŵeneko; chifukwa, penipo ndingudana, pengavi yumoza wangwamuka, po ndakambanga kuti ŵangutegherezga cha; kweni ŵanguchita cho chenga uheni mu maso ghangu, ŵangusamkha cho ine ndengavi kukondwa nacho.”

Yeremiya 14:16

Ndipo ŵanthu, kwaku ŵeniwo ŵachimiya, ŵakapong'ekanga kubwalo mu miseu ya Yerusalemu, ŵakubayika ndi chilala ndi lipanga, pakaŵangavi ndi wakuŵaŵika, iwo, ŵawoli ŵawo, ŵana ŵawo ŵanthurumi ndi ŵana ŵawo ŵanthukazi. Pakuti ndikadiranga utimbanizi wawo paku iwo ŵeneko.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 21:14

Ndikamulanganinga kwakuyana ndi nchitu zinu, atiti Ambuya; ndikakozganga moto mu lisuwa lake, ndipo ukananganga vyose vyenivyo vikumzingiliya iyo.”

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Ezekiele 22:31

Chifukwa cho ndapunguliya paku iwo ukari wangu; ndaŵamara ndi moto wa kukara kwangu; nthowa yawo ndayiwezge pa mitu yawo, atiti Ambuya Chiuta.”