Nehemiya 9:34 - Tonga Bible 1986

³⁴ ŵakaronga ŵidu, ŵanangwa ŵidu, ŵazukuru ŵidu, ndi auskefwe kuti ŵasunga dangu linu cha, nanga nkhuphwere malamulu ghinu ndi kuchenjezga kwinu ko munguŵapaska.

Nehemiya 9:34 ပူးပေါင်းရင်းမြစ်များ

2 ŴaKaronga 17:13

Kweni Ambuya anguchenjezga Yisraele ndi Yuda mu mchimi ndi muwona we yose, kuti, “Mutuweko ku nthowa zinu ziheni ndipo sungani marangu ghangu, ndi vyeruzgu vyangu kwakuyana ndi dangu lose lenilo ndingulanguliya auskemwe, ndi lenilo ndingumutumiyani mu ŵateŵeti ŵangu ndi ŵamchimi.”

2 ŴaKaronga 17:15

Ŵanguyeya vyeruzgu vyake, ndi phanganu lake lo wangupangana ndi auskeu, ndi kuchenjezgeka ko wanguŵachenjezga. Ŵangundondoloska ŵangoza ŵatesi ndipo ŵangusanduka ŵatesi, ŵangundondoloska mitundu yo yinguŵazunguliya, paku yeniyo Ambuya anguŵalanguliya kuti ŵangachitanga nge ndiyo cha.

2 Mikoka 29:6

Chifukwa auskefwe ŵaŵa ŵambura magomekezgeka ndi ŵachita uheni pa maso gha Ambuya, Chiuta widu. Wamusiya iyo, ndi ŵang'anamuskiya visku vyawo kunyake kutuwa ku malo gha Ambuya, ndi ŵarazgako misana yawo.

Ezra 9:10

“Ndipo sono Chiuta widu, kumbi tikambenji so pakuti tajowo marangu ghinu?

Nehemiya 9:30

Virimika vinandi mungukunthiyapo, ndi munguŵachenjezga ndi mzimu kukambiya mu ŵamchimi ŵinu; kweni ŵengavi kutegherezgako. Chifukwa cho munguŵapereka mu janja la ŵanthu ŵamu vyaru vyo.

Nehemiya 9:33

Imwe mwaŵa ŵakongolekwa mwaku cho chatiziya ifwe, pakuti imwe mwachita kwamagomekezgeka ndipo ifwe tachita kwakunanga;

Nehemiya 9:35

Ŵengavi kutataliya imwe mu ufumu wawo chingana munguŵapaska umampha winu weni ukuru, ndi charu chikuru ndi cha usambasi; kweni ŵengavi kuweko ku nchitu zawo ziheni.

Yeremiya 29:19

chifukwa ŵengavi kuphwere mazu ghangu, atiti Ambuya, gho ndingurongoro namwe kaŵikaŵi mu ŵateŵeti ŵangu ŵamchimi, kweni imwe kuti mungukhumba kuvwa cha, atiti Ambuya.’

Yeremiya 44:17

Kweni tikachitanga chose cho tikupangana ndi rapu, koche vyachema fumukazi ya kuchanya, ndi kumpaska chisopo chakudira, nge ndimo tachitiyanga tose ifwe, auskefwe, ŵakaronga ŵidu ndi ŵaraŵara ŵidu, mu misumba yaku Yuda ndi mu miseu ya Yerusalemu. Pakuti pa nyengo ndipo tengavi kuwona kaheni.

Yeremiya 44:4

Kweni kaŵikaŵi ndingukutumiyani ŵateŵeti ŵangu ŵamchimi, kuti, ‘Okwe, rekani kuchita chinthu ichi cha ukazuzi chenicho nditinkha!’

Ezekiele 5:6

Kweni wagarukiya vyeruzgu vyangu kwa ukazuzi kuruska ŵamitundu, ndi virunguchizgu vyangu kwakuruska vyaru vyakumuzunguliya, pakukana vyeruzgu vyangu ndi kureka kwenda mu virunguchizgu vyangu.

Danyele 9:6

taŵavwiya cha ŵateŵeti ŵinu ŵamchimi, wo ŵangukamba muzina linu ku ŵakaronga ŵidu, zinduna zidu, auskefwe, ndi ku ŵanthu wose ŵa mu charu.

Marangu 31:21

Ndipo penipo viheni vinandi ndi masuzgu vyaza paku wo, sumu iyi yikazanga paurongo pawo nge mbukaboni (pakuti yikaŵanga yambura kuruwika mu milomo ya mphapu zawo), pakuti ndiziŵa vifukwa vyenivyo ŵachita kwamba kale, ine ndenga ndindaŵatole mu charu cho ndingurapiya kuŵapaska.”