Nehemiya 9:29 - Tonga Bible 1986

²⁹ Ndipo munguŵachenjezga alinga kuti muŵawezge ku dangu linu. Ndipuuli ŵanguchita kwakujikuzga ndipo kuti ŵanguvwiya malamulu ghinu cha, kweni ŵangulakwiya malangulu ghinu, ghenigho pakughavwiya munthu wakajanga ndi umoyo, ndipo ŵangung'anamuliyako phewa la mtafu ndi ŵangungangamiska khosi lawo ndi ŵangukana kuvwiya.

Nehemiya 9:29 ပူးပေါင်းရင်းမြစ်များ

2 ŴaKaronga 17:13

Kweni Ambuya anguchenjezga Yisraele ndi Yuda mu mchimi ndi muwona we yose, kuti, “Mutuweko ku nthowa zinu ziheni ndipo sungani marangu ghangu, ndi vyeruzgu vyangu kwakuyana ndi dangu lose lenilo ndingulanguliya auskemwe, ndi lenilo ndingumutumiyani mu ŵateŵeti ŵangu ndi ŵamchimi.”

2 ŴaKaronga 17:14

Kweni kuti ŵangukhumba kuvwa cha, ŵenga ŵanonono, nge ndimo ŵanguŵiya auskeu, ŵeniwo ŵengave kuywana mu Ambuya Chiuta wawo.

2 Mikoka 24:19

Ndipuuli iyo wangutuma ŵamchimi kwaku iwo kuŵawezge so ku Ambuya ŵeniwo ŵanguŵarongo uneneska kweni kuti ŵanguŵavwa cha.

2 Mikoka 33:10

Ndipo Ambuya angukamba ndi Manase ndi ku ŵanthu ŵake, kweni kuti ŵanguvwiya cha.

2 Mikoka 36:15

Ambuya Chiuta wa ŵambuyawo, wanguŵatumiya ma thenga ghake ruta-ruta, chifukwa wenga wachisungusungu pa ŵanthu ŵake ndi pa malo ghake ghakujamo.

Nehemiya 13:15

Mu mazuŵa ghenigha ndinguwona mwaku Yuda ŵanthurumi ŵakukanda vinyo pa zuŵa la sabata, ndi kuza ndi ndundu za vyakurgha kupingizga zimbunda, ndiso vinyo, vipasi, nkhuyu, ndi mitundu yose ya vyakupinga, vyo ŵanguza navyo mu Yerusalemu pa zuŵa la sabata; ndipo ndinguŵachenjezga mu zuŵa lenilo ŵaguliskiyanga vyakurgha.

Nehemiya 9:10

ndipo munguchita visimikizgu ndi vyaminthondwi paku Farao ndi ŵateŵeti ŵake ndi ŵanthu wose ŵa charu chake, pakuti munguziŵa kuti wanguchita mwa mutonyolo pa auskefwe; ndipo mungujichitiya zina, uli ndimo lilili kufika msana wale.

Nehemiya 9:16

“Kweni iwo ndi auskefwe ŵanguchita kwakujikuzga ndipo ŵangungangamiska khosi lawo ndipo ŵengavi kuvwiya malamulu ghinu;

Nehemiya 9:26

“Ndipuuli ŵenga ŵa mtafu ndi ŵangukugalukiyani ndi ŵangutaya dangu linu ku msana kwawo ndi ŵangubaya ŵamchimi ŵinu, ŵeniwo ŵaŵachenjezganga kuti ŵaweriyenge kwinu, ndipo ŵangutukana ukongwa.

Nehemiya 9:30

Virimika vinandi mungukunthiyapo, ndi munguŵachenjezga ndi mzimu kukambiya mu ŵamchimi ŵinu; kweni ŵengavi kutegherezgako. Chifukwa cho munguŵapereka mu janja la ŵanthu ŵamu vyaru vyo.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Yeremiya 17:23

Kweni kuti ŵanguvwa chingana nkhutegherezga cha, kweni ŵangungangamiska khosi lawo, kuti ŵareke kuvwa ndi kuronde chisambizgu.

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 42:19

Ambuya akamba kwaku imwe, mwaŵakujapo ŵaku Yuda, ‘Mungarutanga ku Egipiti cha.’ Ziŵiskani kuti ndakuchenjezgani msana wale,

Yeremiya 43:2

Azariya mwana waku Hoshaya ndi Yohanani mwana waku Kareya ndi ŵanthu wose ŵamuyuyu ŵanguti kwaku Yeremiya, “Ukamba utesi. Ambuya Chiuta widu wengavi kukutuma kukamba kuti, ‘Rekani kuya ku Egipiti kwachija kwenikuwa.’

Yeremiya 44:10

Ŵalivi kujiyuyuwa mpaka ku zuŵa lino, chingana nkhuti ŵawope cha, chingana nkhwenda mu dangu langu ndi malangulu ghangu ghenigho ndinguŵika paurongo pinu ndi paurongo pa auskemwe.

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Ezekiele 20:11

Ndinguŵapaska virunguchizgu ndi kuŵarongo malangulu ghangu, ghenigho mukughavwiya munthu wakaŵanga ndi umoyo.

Danyele 5:20

Kweni penipo mtima wake ungujitukumuwa, ndi mzimu wake ungunonopeskeka wanguchita vyose kwakujikuzga, ndipo wangusiskika pa chitengo chake, cha ufumu.

Hoseya 6:5

Chifukwa ichi ndaŵacheka ndi ŵamuchimi, ndaŵabaya ndi mazu gha mu mlomo wangu, ndipo cheruzgu changu chituwa nge mbukweru.

ŴaLevi 18:5

Chifukwa cho mukasunganga malangulu ghangu ndi marangu ghangu gho munthu pakughachita wakaŵanga ndi umoyo: Ndine Ambuya.

Mateyu 19:17

Kweni iyo wanguti kwake, “Chifukwa chine mufumba ine pa chamampha cho? Walipo yumoza wamampha. Kweni asani ukhumba kusere mu umoyo, sunganga marangu.”

Luka 10:28

Ndipo wanguti kwaku iyo, “Wamuka kwakurunjika: chita chenichi, ndipo ukaŵanga ndi umoyo.”

ŴaRoma 10:5

Chifukwa Mosese walemba kuti munthu yo wauchitaurunji wamu langulu wajariyenge wamoyo mwenimo.

ŴaGalatia 3:12

kweni chilangulu cho kuti ncha mu chivwanu cha; kweni, “Mweniyo wavichita, wakaŵiyanga wamoyo mwake.”

Marangu 31:21

Ndipo penipo viheni vinandi ndi masuzgu vyaza paku wo, sumu iyi yikazanga paurongo pawo nge mbukaboni (pakuti yikaŵanga yambura kuruwika mu milomo ya mphapu zawo), pakuti ndiziŵa vifukwa vyenivyo ŵachita kwamba kale, ine ndenga ndindaŵatole mu charu cho ndingurapiya kuŵapaska.”

Marangu 31:27

Pakuti ndiziŵa mo mulili ŵakugaruka ndi ŵanonono. Ehe, penipo ndeche wamoyo pamoza namwe, le mwaŵagarukiya Ambuya. Pavuli pa nyifwa yangu kwazamukuŵa uli!

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Ŵeruzgi 6:10

Ndipo ndinguti, ‘Ine ndine Ambuya Chiuta winu; mureke kugwadiya ŵachiuta ŵa Amori, ŵeniwo muja mu charu chawo.’ Kweni imwe kuti mwaphwere mazu ghangu cha.”