Nehemiya 9:25 - Tonga Bible 1986

²⁵ Ndipo ŵanguronda misumba yamalinga ndi charu chanyata yikuru ndi ŵanguhara zinyumba zakuzaza ndi vinthu vyose vyamampha, visima vya maji vyakukumbika, minda ya mphereska miti ya olive, ndi miti ya vipasi vyakuzala; viyo ŵangurgha, ndi ŵanguguta ndi ŵangututuŵa, ndipo ŵangukondwere mu umampha winu weni ukuru.

Nehemiya 9:25 ပူးပေါင်းရင်းမြစ်များ

1 ŴaKaronga 14:9

Kweni iwe wachita mphurupuru kuruska wose wo ŵengako paurongo pako ndipo wajipangiya ŵachiuta ŵamwenga, ndi ŵangoza ŵakusongono, kundisosomole ku chikwiya, ndipo wanditaya kuvuli kwako,

1 ŴaKaronga 8:66

Pa zuŵa la chinkhonde ndi chitatu wanguwawezga wanthu, ndipo ŵangutumbika karonga, ndi ŵanguruta ku mizi yawo ŵakukondwa ndi ŵachimwemwe mu mtima chifukwa cha umampha wo Ambuya angurongo kwaku Davidi muŵanda wawo ndi kwaku Yisraele khamu lawo.

Nehemiya 9:35

Ŵengavi kutataliya imwe mu ufumu wawo chingana munguŵapaska umampha winu weni ukuru, ndi charu chikuru ndi cha usambasi; kweni ŵengavi kuweko ku nchitu zawo ziheni.

Sumu 105:44

Anguŵapaska vyaru vya ŵalendo, anguŵazomerezga kuto minda yawo,

Sumu 65:11

Umampha winu upereka usambasi ukuru wa vuna; kweniko kose muruta kwe vya uzari!

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.

Yesaya 6:10

Utuluvye mitima ya ŵanthu yaŵa, makutu ghawo ghaŵe ghazituzitu, ndi ujare maso ghawo; vinu ŵangawona ndi maso ghawo, ŵangavwa ndi makutu ghawo, ndi ŵangawomo ndi mitima yawo, ŵangang'anamuka ndi ŵangachizgika.”

Yesaya 63:7

Ndikakambanga so za chanju chizirima cha Ambuya, marumbu gha Ambuya, kwakulingana ndi vyose vyo Ambuya atipaska, ndi umampha ukuru ku nyumba yaku Yisraele, weniwo apaska kwakulingana ndi lisungu lawo, kwakulingana ndi chanju chawo chizirima.

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Yeremiya 31:14

Ndikaliskanga ŵazukuru ndi vyakuzala, ndipo ŵanthu ŵangu ŵakagutanga ndi umampha wangu, atiti Ambuya.”

Yeremiya 32:23

ndipo ŵangusere ndi kuchihara. Kweni kuti ŵanguvwiya mazu ghinu cha chingana nkhwenda mudangu linu, ŵangukana kuchita vyo munguŵalanguliya kuchita. Chifukwa cho imwe mwaŵafikiskiya viheni ivi vyose.

Ezekiele 20:6

Pa zuŵa liya ndinguŵarapiya kuti ndikaŵatuzganga mu charu cha Egipiti kuya nawo ku charu cho ndikuŵasankhiya, charu cha kudika mukaka ndi uchi, charu chakutowa kuruska vyaru vyose vinyake.

Danyele 11:24

Kwamabuchibuchi waserenge mu malo gha nyata gha charu; ndi wachitenge cho awiske, pamwenga ŵambuyake ŵandachite. Waparghang'enge vyakutoreka mukati mwawo, vyakuskowa, ndi usambasi. Wakanozganga nthowa za viŵembu vyake kurwana ndi malinga ghakunkho, kweni kwa nyengo yifupi.

Hoseya 13:6

Kweni po ŵangurgha ukongwa, ŵanguguta, ndipo mtima wawo ungujitukumuwa; chifukwa ichi ŵangundiruwa.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

ŴaRoma 2:4

Pamwenga uyuyuwa kumbi usambasi wa ulemu wake ndi unkhunthiya ndi chilekerezga, pakureka kuziŵa kuti ulemu wo waku Chiuta ngwakurongozge iwe ku chipe?

Marangu 3:5

Misumba yose iyi yinguzungurizgika ndi malinga ghatali, vipata ndi mpiringizgu, pamoza ndi mizi yambura malinga yinandi limu.

Marangu 32:13

Wangumukwezga pa malo gha pachanya gha charu chapasi. Ndipo wangurgha vipasi vya mu munda. Wangumuliska uchi wakutuwa mujarawe, ndi mafuta ghakutuwa mu jarawe lakuŵalika.

Marangu 32:14

Masa ghakutuwa ku miskambu ndi mukaka wakutuwa ku viŵetu, ndi mafuta gha mberere ndi ŵabira, miskambu ya Bashani ndi mbuzi, pamoza ndi trigu wakunozga ukongwa Mungumwa ndopa za chipasi ndi vinyo.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.