Nehemiya 9:19 - Tonga Bible 1986

¹⁹ imwe mu malisungu ghinu ghakuru kuti munguŵajowo cha mu bozwa; mzati wa mtambo weniwo unguŵarongozga mu nthowa wengavi kutuwako kwaku wo ndi msana, nanga ndi mzati wa moto ndi usiku weniwo unguŵambulikiya nthowa yakuti ŵendengemo.

Nehemiya 9:19 ပူးပေါင်းရင်းမြစ်များ

Nehemiya 9:12

Ndi mzati wa mtambo munguŵalongozga ndi msana, ndipo ndi mzati wa moto ndi usiku, kuŵambulikiya nthowa yakukamo iwo.

Nehemiya 9:27

Chifukwa cho munguŵapereka mu janja la ŵakupindikana ŵawo, ŵeniwo ŵanguŵapaska suzgu; ndipo mu nyengo ya masuzgu ghawo ŵangukuliriyani ndipo munguŵavwa ko kuchanya, ndi malisungu ghinu ghakuru mungaŵapaska ŵapozomoski wo ŵanguŵapozomoska kujanja la ŵakupindikana ŵawo,

Nehemiya 9:31

Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Sumu 136:16

wangurongozga khamu lake mu bozwa, chifukwa nchamuyaya chifundu chake.

Chituwa 40:36

Mu maulendo ghawo ghose, penipo mtambo ungutoreke kuchanya kutuwa pa hema lakupaturika, ŵaYisraele ŵangwenda kuya kunthazi;

Chituwa 40:38

Pakuti mu maulendo ghawo ghose mtambo wa Ambuya wenga pachanya pa hema lakupaturika ndi msana, ndi moto wenga mwaku lo ndi usiku, mu maso gha ŵaYisraele wose.

Yesaya 44:21

Kumbuka ivi vinthu, Yakobe we, ndi Yisraele pakuti we muŵanda wangu; ndingukuumba, we muŵanda wangu; Yisraele we, kuti ndikakuruwanga cha ine!

Chitenje 3:22

Chifundu cha Ambuya kuti chimera cha, malisungu ghawo kuti ghagota cha;

Ezekiele 20:14

Kweni pa chifukwa cha zina langu ndingureka alinga kuti lireke kufipiskika mu maso gha mitundu, mu maso ghaku ŵeniwo ine ndinguŵatuzga iwo.

Ezekiele 20:17

Kweni ndipuuli jiso langu linguŵagowoke, kuti ndinguŵaparghang'a nanga nkhuŵamariya limu mu bozwa cha.

Ezekiele 20:22

Kweni ndingukanizga janja langu, ndipo ndinguchita chifukwa cha zina langu, alinga kuti lireke kufipiskika mu maso gha ŵamitundu, mu maso ghaku ŵeniwo ndinguŵatuzga iwo.

Danyele 9:18

A Chiuta, wangu, tegherezgani gutu linu ndi muvwi; jurani maso ghinu ndi muwoni kupasuka kwidu, ndi msumba wo udanika ndi zina linu; pakuti tipereka kuŵeyere kwidu paurongo pinu chifukwa cha urunji widu cha, kweni chifukwa cha lisungu linu likuru.

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Malaki 3:6

“Chifukwa ine Chiuta kuti ndisintha cha, imwe mose, ŵana ŵaku Yakobe mulivi kumara.

Maŵerengedu 14:14

ndipo ŵakaŵatauliyanga ŵakuja mu charu ichi. Iwo ŵavwa kuti imwe Ambuya mwe pamoza ndi ŵanthu yaŵa; pakuti imwe Ambuya muwoneka chisku ndi chisku, ndi kuti mtambo winu utuma pachanya pawo ndi kuti imwe mutiŵadanjiriya, ndi msana mu mzati wa mtambo, ndi usiku mu mzati wa moto.

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

1 Samuele 12:22

Ambuya kuti amudikeninge cha, pa chifukwa cha zina lawo likuru pakuti kwaŵakondweska Ambuya kumumikani imwe kuŵa ŵanthu ŵake.