Nehemiya 9:17 - Tonga Bible 1986

¹⁷ ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Nehemiya 9:17 ပူးပေါင်းရင်းမြစ်များ

1 ŴaKaronga 6:13

Ndipo ndikajanga mukati mu ŵana ŵaku Yisraele, ndipo kuti ndikajowonga khamu langu Yisraele cha.”

1 ŴaKaronga 8:57

Ambuya Chiuta widu waŵe nafwe, nge ndimo wanguŵiya ndi auskefwe, wareke kutijowo chingana nkhutilekerezga,

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.

Ezra 9:9

Chifukwa tenga ŵaŵanda kweni Chiuta widu wengavi kutisiya mu uŵanda widu, watichitiya lisungu paurongo pa ŵakaronga ŵaku Perese, kutiyuska kuti tizenge nyumba yaku Chiuta widu, ndi kurongoso umampha kupasuka kwake, ndi kutipaska linga mu Yuda ndi mu Yerusalemu.

Nehemiya 9:31

Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Sumu 106:13

Kweni ruŵi ŵanguruwa vyo ŵanguchita, kuti ŵangulinda urongozgi wake cha.

Sumu 106:7

Po auskefwe ŵenga mu Egipiti kuti ŵanguwamo cha ndi nchitu zakuziziswa zaku Chiuta; ŵanguruwa unandi wa zinyengo zo wanguŵarongo chanju chake, ndipo ŵangumugarukiya ŵanthazi zose pa Nyanja Yiyera.

Sumu 130:4

Kweni mutitigowoke, alinga kuti timopeni imwe.

Sumu 78:10

Kuti ŵangusunga phanganu lawo ndi Chiuta cha; ŵangukana kuvwiya langulu lake.

Sumu 78:11

Ŵanguruwa nchitu zake, vwakuziziswavyo wanguŵarongo.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Chituwa 32:9

Ndipo Ambuya anguti kwaku Mosese, “Ndawona wanthu yaŵa ndipo ehe, mbanthu ŵanonono mtima.

Nthanthi 1:24

Chifukwa ndingudana ndipo mungukana kundivwa, ndatambaluwa janja langu ndipo palivi yumoza yo waphweleko,

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Ezekiele 5:6

Kweni wagarukiya vyeruzgu vyangu kwa ukazuzi kuruska ŵamitundu, ndi virunguchizgu vyangu kwakuruska vyaru vyakumuzunguliya, pakukana vyeruzgu vyangu ndi kureka kwenda mu virunguchizgu vyangu.

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

ŴaLevi 26:44

Ndipuuli, po ŵeche mu charu cha ŵamawongo ŵawo, kuti ndikaŵatayanga cha chingana nkhuŵakana, kuti ndiŵamariye limu wose ndi kureka phanganu langu lo ndingupangana nawo; pakuti Ine ndine Ambuya Chiuta wawo:

Nahumu 1:3

Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Maŵerengedu 14:41

Sono Mosese wanguti, “Chifukwa nchine muyeya dangu la Ambuya, paulengevi mwaŵi?

Maŵerengedu 16:14

Posepose napo watondeka kutitore ku charu chakutaŵara mkaka ndi uchi, nanga nkhutipaska vihara vya viŵera ndi minda ya mphereska. Kumbi ukakolowonga maso gha ŵanthu yaŵa? Ifwe kuti tikazangako cha.”

Machitidu gha Ŵakutumika 7:39

Auskefwe ŵengavi kukhumba kuvwiya, kweni ŵangumkana, ndipo mitima yawo yinguwere vuli ku Egipiti,

ŴaRoma 9:15

Kungaŵanga viyo cha! Chifukwa kwaku Mosese watiti, “Ndimchitiyenge lisungu, yo yose ndimchitiya lisungu, ndipo ndenjerwiyenge yo yose nditenjerwa.”

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

1 Samuele 12:22

Ambuya kuti amudikeninge cha, pa chifukwa cha zina lawo likuru pakuti kwaŵakondweska Ambuya kumumikani imwe kuŵa ŵanthu ŵake.