Nehemiya 9:16 - Tonga Bible 1986

¹⁶ “Kweni iwo ndi auskefwe ŵanguchita kwakujikuzga ndipo ŵangungangamiska khosi lawo ndipo ŵengavi kuvwiya malamulu ghinu;

Nehemiya 9:16 ပူးပေါင်းရင်းမြစ်များ

2 ŴaKaronga 17:14

Kweni kuti ŵangukhumba kuvwa cha, ŵenga ŵanonono, nge ndimo ŵanguŵiya auskeu, ŵeniwo ŵengave kuywana mu Ambuya Chiuta wawo.

2 Mikoka 29:6

Chifukwa auskefwe ŵaŵa ŵambura magomekezgeka ndi ŵachita uheni pa maso gha Ambuya, Chiuta widu. Wamusiya iyo, ndi ŵang'anamuskiya visku vyawo kunyake kutuwa ku malo gha Ambuya, ndi ŵarazgako misana yawo.

2 Mikoka 30:8

Sono mureke kungangamiska mitima yinu nge ndimo auskemwe ŵanguŵiya, kweni mujipereke ku Ambuya, ndi muzi ku malo ghawo ghakupaturika, ghenigho aghapatuliskiya ku nchitu yawo kwa muyaya, ndi muŵateŵete Ambuya Chiuta winu, mwakuti ukari wawo wakofya utuweko kwaku imwe.

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.

Nehemiya 9:10

ndipo munguchita visimikizgu ndi vyaminthondwi paku Farao ndi ŵateŵeti ŵake ndi ŵanthu wose ŵa charu chake, pakuti munguziŵa kuti wanguchita mwa mutonyolo pa auskefwe; ndipo mungujichitiya zina, uli ndimo lilili kufika msana wale.

Nehemiya 9:29

Ndipo munguŵachenjezga alinga kuti muŵawezge ku dangu linu. Ndipuuli ŵanguchita kwakujikuzga ndipo kuti ŵanguvwiya malamulu ghinu cha, kweni ŵangulakwiya malangulu ghinu, ghenigho pakughavwiya munthu wakajanga ndi umoyo, ndipo ŵangung'anamuliyako phewa la mtafu ndi ŵangungangamiska khosi lawo ndi ŵangukana kuvwiya.

Sumu 106:6

Mo ŵangulakwiya auskefwe, nafwe talakwa; taŵa ŵakwananga ndi ŵamphurupuru.

Sumu 81:8

“Avwani, mwa ŵanthu ŵangu, ku kuchenjezga kwangu; Yisraele, mphanyi ungutegherezga kwangu!

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Chituwa 32:9

Ndipo Ambuya anguti kwaku Mosese, “Ndawona wanthu yaŵa ndipo ehe, mbanthu ŵanonono mtima.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Yesaya 48:18

Inya mphanyi ungutegherezga ku marangu ghangu! Po ndipo chimangu chako phatinge chiŵenge uli ndi msinji ndipo urunji wako uli ndi mayigha gha nyanja;

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Ezekiele 5:6

Kweni wagarukiya vyeruzgu vyangu kwa ukazuzi kuruska ŵamitundu, ndi virunguchizgu vyangu kwakuruska vyaru vyakumuzunguliya, pakukana vyeruzgu vyangu ndi kureka kwenda mu virunguchizgu vyangu.

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Marangu 31:27

Pakuti ndiziŵa mo mulili ŵakugaruka ndi ŵanonono. Ehe, penipo ndeche wamoyo pamoza namwe, le mwaŵagarukiya Ambuya. Pavuli pa nyifwa yangu kwazamukuŵa uli!

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Marangu 9:13

“Ambuya angurutiliya kukamba nane, kuti, ‘Ndawona ŵanthu yaŵa, ndipo nadi mbanthu ŵanonono mtima,

Marangu 9:27

Kumbukani ŵateŵeti ŵinu Abrahamu, Yisaki, ndi Yakobe. Mungalereskanga pa mtafu wa ŵanthu yaŵa pamwenga kwananga kwawo, pamwenga pa uheni wawo,

Marangu 9:6

“Viyo ziŵani kuti Ambuya Chiuta winu wamupaskani charu ichi chamampha kuti muchironde, kuti nchifukwa cha urunji winu cha, pakuti ndimwe ŵanthu ŵanonono mtima.

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

ŴaHebere 3:15

po kweche kukambika kuti, “Le, asani muvwenge liu lake, mungangangamiskanga mitima yinu, uli ndi mu chigaruka cho.”