Nehemiya 9:10 - Tonga Bible 1986

¹⁰ ndipo munguchita visimikizgu ndi vyaminthondwi paku Farao ndi ŵateŵeti ŵake ndi ŵanthu wose ŵa charu chake, pakuti munguziŵa kuti wanguchita mwa mutonyolo pa auskefwe; ndipo mungujichitiya zina, uli ndimo lilili kufika msana wale.

Nehemiya 9:10 ပူးပေါင်းရင်းမြစ်များ

Nehemiya 9:16

“Kweni iwo ndi auskefwe ŵanguchita kwakujikuzga ndipo ŵangungangamiska khosi lawo ndipo ŵengavi kuvwiya malamulu ghinu;

Nehemiya 9:29

Ndipo munguŵachenjezga alinga kuti muŵawezge ku dangu linu. Ndipuuli ŵanguchita kwakujikuzga ndipo kuti ŵanguvwiya malamulu ghinu cha, kweni ŵangulakwiya malangulu ghinu, ghenigho pakughavwiya munthu wakajanga ndi umoyo, ndipo ŵangung'anamuliyako phewa la mtafu ndi ŵangungangamiska khosi lawo ndi ŵangukana kuvwiya.

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Chituwa 18:11

Sono ndiziŵa kuti Ambuya mbara akuruska ŵachiuta ŵanyake wose, chifukwa angupozomoska ŵanthu wo ku magoŵa gha ŵaEgipiti, penipo ŵanguŵayuzga.”

Chituwa 3:20

Viyo ndikatambaruwanga janja langu ndi kukoso Egipiti ndi vya minthondwi vyose vyenivyo ndikachitanga mukati mwake, pavuli paku vyo wakamuzomerezganinga kuruta.

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Chituwa 7:1

Ndipo Ambuya anguti kwaku Mosese, “Wona, nditukuchita kuŵa nge ndi Chiuta kwaku Farao ndipo Aroni mwana munyako wamukuŵa mchimi wako.

Chituwa 9:16

Kweni pa chifukwa ichi ndamuzomerezgani kuŵa ŵamoyo, kumurongoni nthazi yangu, alinga kuti zina langu litaulike mu charu chose chapasi.

Yesaya 42:20

Wawona vinthu vinandi, kweni kuti wativiziŵa cha; makutu ghake ghakubanuka, kweni kuti watuvwa cha.

Yesaya 63:12

mweniyo wangutambaruwa janja lake la unkhankhu kuruta ku janja la marghe laku Mosese, mweniyo wangugawuwa maji paurongo pawo kujichitiya mweneko zina la muyaya,

Yesaya 63:14

Uli ndi ngombe zo zisikiya mu dambo, Mzimu wa Ambuya unguŵapaska chipumulu. Viyo ndimu mungurongozge ŵanthu ŵinu, kujichitiya mwaŵeni zina la unkhankhu.

Yeremiya 32:20

imwe mwarongo visimikizgu ndi vyakuziziswa mu charu cha Egipiti, ndipo mpaka kuno kule mu Yisraele ndi mukati mu ŵanthu wose, ndipo mwakwezga zina linu mpaka msana wale.

Ezekiele 20:9

Kweni pa chifukwa cha zina langu, ndingureka alinga kuti lireke kufipiskika mu maso gha mitundu yo iwo ŵaja mukati mwawo, mu maso ghaku ŵeniwo ndingujiwoneska pakuŵatuzga iwo mu charu cha Egipiti.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Danyele 9:15

Sono, Ambuya Chiuta widu, imwe mungutuzga ŵanthu ŵinu mu charu cha Egipiti ndi janja lanthazi, mwajitore mbiri mpaka zuŵa lino; ifwe talakwa, tachita uheni.

Machitidu gha Ŵakutumika 7:36

Ndiyo wanguŵatuzgamo, wati wachita virwita ndi visimikizgu mu charu cha Egipiti ndi mu Nyanja Yiyera, ndimu bozwa lo virimika machumi ghanayi (40).

ŴaRoma 9:17

Chifukwa lembo lo lititi kwaku Farao, “Kwaku chenichi ndicho ndingukuyuskiya, chakuti ndirongolenge mwako nthazi yangu, ndipo chakuti zina langu liwandiyenge mu charu chose chapasi.”

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Marangu 7:19

vyakwese vyo maso ghinu ghanguwona, visimikizgu vyakuziziswa, janja lanthazi ndi mkono wakutambaruka, ndi vyenivyo Ambuya Chiuta winu wangumutuzgani navyo. Ndimo Ambuya Chiuta winu wakachitiyanga ku ŵanthu wose ŵeniwo mutopa.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”