Nehemiya 9:1 - Tonga Bible 1986

¹ Sono pa zuŵa la machumi ghaŵi ndi ghanayi la mwezi wenuwu, ŵaYisraele ŵanguwungana ndi kufunga ndi kuvwara vigudulu ndi dongo pa mitu yawo.

Nehemiya 9:1 ပူးပေါင်းရင်းမြစ်များ

2 Samuele 1:2

ndipo pa zuŵa la chitatu, wonani, munthu wanguza kutuliya ku ugoŵi waku Sauli, ndi vyakuvwara vyakuparuka ndi fuvu ku mutu wake. Wanguti wafika kwaku Davidi, wanguwa pasi wangumulambiya.

2 Mikoka 20:3

Ndipo Yehosafati wangutenthema wangujilongosole kupenja Ambuya wangumemeza kufunga kurgha mwaku Yuda yose.

2 Mikoka 7:10

Pa zuŵa la machumi ghaŵi ndi ghatatu (23) la mwezi wa chinkhonde ndi chiŵi wangutuma ŵanthu kuti ŵawerenge kwawo ŵakukondwa ndi kusangaruka mu mitima yawo chifukwa cha umampha wo Ambuya anguronga kwaku Davidi, ndi kwaku Solomoni, ndi ku ŵaYisraele ŵanthu ŵawo.

Ezra 8:21

Penipo ndingumemeza kufunga kurgha, kuwa ku msinji Ahava, kuti tijiyuyuwe paku Chiuta widu, kupenja nthowa yakurunjika kwaku Iyo paku ifwe ndi ŵana ŵidu, ndi vyuma vidu vyose.

Ezra 8:23

Viyo tingufunga kurgha, ndi kuŵeya Chiuta widu chifukwa ichi, ndipo iyo wanguvwa marombu ghidu.

Nehemiya 8:2

Ndipo Ezra mzukuru yo wanguza nalo dangu ku unganu wo, ŵanthurumi ndi ŵanthukazi ndi wose wo ŵavwanga ndi kuwamo pa zuŵa lakudanga la mwezi wa chiŵi.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

Estere 4:3

Ndipo mu chigaŵa chose cha charu mo mungufika dangu la karonga ndi langulu lake mwenga chitenje mukati mu ŵaYuda ndi kukana kurgha ndi kuliya masozi ndi kubongo; ŵanandi ŵangugona mu vyoto.

Jobu 2:12

Ndipo ŵanguti wamuwona patali kuti ŵangumziŵa cha, ŵangukwezga mazu ghawo ndi ŵanguliya; ŵanguparuwa minijirira yawo, ndi kuthibuwa fuvu kuchanya kuwiya pa mitu yawo.

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yoele 2:12

Ambuya atiti, “Chingana ndi sono, ng'anamukiyani kwangu ndi mtima winu wose, ndi kunguzga kurgha, ndi kuliya masozi, ndi kutenje;

ŴaLevi 23:34

“Kamba ku ŵaYisraele, pa zuŵa la chumi ndi ghankhonde la mwezi uwu wa chinkhonde ndi chiŵi, kwa muzuŵa ghankhonde ndi ghaŵi, ndi dghera la misasa ku Ambuya.

ŴaLevi 23:39

“Pa zuŵa la chumi la mwezi wa chinkhonde ndi chiŵi po mwawunjika pamoza vyakurgha vyamu charu cho, muchitenge dghera la Ambuya mazuŵa ghankhonde ndi ghaŵi. Pa zuŵa laku danga mukapumuwanga mu kusopa, ndi viyo so pa zuŵa la chinkhonde ndi chitatu mukapumuwanga ndi kusopa.

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Chivumbuzi 11:3

Ndipo ndipaskenge mtufu ku ŵakaboni ŵangu ŵaŵi, ndipo ŵakachimanga mazuŵa chikwi ndi machumi pe chumi ghaŵi ndi machumi ghankhonde ndi limoza (1,260), ŵakuvwara vigudulu.”

Ŵeruzgi 20:26

Sono ŵaYisraele wose, liŵanja lose la nkhondo, ŵangukwera ŵanguza ku Betele, ŵangutenje, ŵanguja pasi paurongo pa Ambuya, ŵangufunga kurgha zuŵa lose liya mpaka mazulo, ŵangupaska mipasku yakocha ndi mipasku ya chimangu paurongo pa Ambuya.

1 Samuele 4:12

Munthu waku Benjamini wakuthaŵa ku nkhondo, wanguza pa Shilo zuŵa leniliya, wakuŵa ndi vivwalo vyakuparuka ndi fuvu ku mutu wake.

1 Samuele 7:6

Viyo ŵanguwunjikana pa Mizpa, ndipo ŵangunegha maji ŵangughadira paurongo pa Ambuya, ŵangufunga zuŵa liya, ndipo penipa ŵanguti, “Tanangiya Ambuya.” Ndipo Samuele wangweruzga ŵaYisraele pa Mizpa.