Nehemiya 8:9 - Tonga Bible 1986

⁹ Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Nehemiya 8:9 ပူးပေါင်းရင်းမြစ်များ

2 ŴaKaronga 22:11

Ndipo penipo karonga wanguvwa mazu gha buku la dangu, wanguparuwa vivwalo vyake.

2 ŴaKaronga 22:19

chifukwa mtima wako wenga wakuzomera, ungujiyuyuwa paurongo pa Ambuya, unguti wavwa mo ndingukambiya kumikana ndi malo yagha, ndi kumikana ndi ŵakujamo mwaku gho, kuti ŵakaŵanga mapopa ndi thembu ndipo iwe unguparuwa vivwaro vyako ndipo unguliya paurongo pangu, Ine nane ndakuvwa, atiti Ambuya.

2 Mikoka 15:3

Yisraele wanguja nyengo yitali wambura Chiuta wa uneneska, ndi wambura mzukuru wakusambizga, ndi kwambura dangu.

2 Mikoka 30:22

Ndipo Hezekiya wangukamba kwakuchiska ukongwa ku ŵaLevi wo ŵangurongo vinjeru mu mlimu wa Ambuya. Viyo ŵanthu ŵangurgha kurgha kwa dghera kwa mazuŵa ghankhonde ndi ghaŵi kupereka sembe ya chimangu ndi kupereka viwongo ku Ambuya Chiuta wa auskeu.

2 Mikoka 34:19

Ndipo kunguŵa kuti, karonga wanguti wavwa mazu gha marangu wanguparuwa byakuvwara vyake.

2 Mikoka 34:21

“Rutani mukandifumbiye ku Ambuya ine ndi ŵanthu wose wo ŵajako mwaku Yisraele ndi mwaku Yuda ndi mazu gha mu buku ili lasanirika, chifukwa nkhakuru kandundu ka Ambuya ko kapunguliya paku ifwe chifukwa ambuyafwe ŵengavi kusunga mazu gha Ambuya, kuchita kwakulingana ndi vyose vyo vingulembe ka mu buku ili.”

2 Mikoka 35:3

Ndipo wanguti ku ŵaLevi wo ŵasambizganga Yisraele yose, wo ŵenga ŵakupaturikiya ku Ambuya, wanguti, “Ŵikani bokosi lakupaturika mu nyumba yo Solomoni mwana waku Davidi, karonga waku Yisraele wanguzenga; lireke kuŵa katundu pa maphewa ghinu sono. Sono tatariyani Ambuya Chiuta winu, ndi ŵanthu ŵake wose ŵaYisraele;

Ezra 2:63

Mumirizi wanguŵanene kuti ŵareke kurgha vinthu vyakupaturika, mpaka mzukuru wafumbe mphenduzga ya Urimi ndi Tumimi.

Ezra 7:11

Mazu gha kalata yo karonga Arataserese wangupaska Ezra mzukuru wakuziŵa fikepo marangu ghaku Chiuta ndi vilangulu vyake kwaku Yisraele, ndi yagha:

Nehemiya 10:1

Ŵeniwo ŵanguŵikapo chizighiriyo chawo ndi Nehemiya mweruzgi mura, mwana munthurumi waku Hakaliya, Zedekiya,

Nehemiya 12:26

Yaŵa ŵengako mu mazuŵa ghaku Yoiyakimu mwana waku Yeshua mwana waku Yozadaki, ndi mu mazuŵa ghaku Nehemiya mweruzgu mura ndi ghaku Ezra mzukuru ndi mlembi.

Nehemiya 7:65

mweruzgi mura wanguŵanene kuti ŵareke kusanganapo nawo chakurgha chakupaturika cha pachanya, mpaka penipo mzukuru wakuŵa ndi Urimi ndi Tumimi wangumikika.

Nehemiya 7:70

Sono ŵanyake wo ndi mitu ya nyumba za auskeu ŵangupaskako ku nchitu. Mweruzgi mura wangupaska ku mbiku chikwi chimoza madariki gha golide (1,000), mabeseni machumi ghankhonde (50), maraya gha ŵazukuru machumi pe chumi ghankhonde ndi machumi ghatatu (530).

Nehemiya 8:2

Ndipo Ezra mzukuru yo wanguza nalo dangu ku unganu wo, ŵanthurumi ndi ŵanthukazi ndi wose wo ŵavwanga ndi kuwamo pa zuŵa lakudanga la mwezi wa chiŵi.

Wakutaula 3:4

nyengo yakuliriya, ndi nyengo yakuseke; nyengo yakutenjere, ndi nyengo yakuviniya;

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

ŴaLevi 23:24

“Kamba ku ŵaYisraele kuti, mu mwezi wa chinkhonde ndi chiŵi pa zuŵa lakudanga la mwezi mukasunganga zuŵa la chipumulu chakupaturika; chikumbusku chakumemezeka ndi chizozo cha zimbata kuwungana ndi kusopa.

Malaki 2:13

Muzumbwiska jochero la Ambuya ndi masozi, ndi kuliya ndi kutamantha, chifukwa iyo kuti weche so kuphwere cha mpasku pamwenga kuuronde ku manja ghinu ndi ulemu.

ŴaRoma 3:20

Chifukwa kuti kuchiri ku nchitu za chilangulu paŵengevi kurunjiskika munthu wamoyo pa maso pake: pakuti mu chilangulu mwe mziŵiru wa ulakwi.

ŴaRoma 7:9

Ndipo ine kali ndenga wamoyo pade pa chilangulu: kweni, lati laza langulu lo, ulakwi ungusisipuka, ndipo ine ndingufwa;

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 26:14

Ndilivi kurghapo chachichumi penipo ndatenjenga, pamwenga kutuzgako penipo ndenga wambura kuphotoka. Ndilivi kusaskako nanga nchimoza ku ŵakufwa. Ndavwiya mazu gha Ambuya Chiuta wangu kuchita vyose vyo mwandilanguliya.

Yakobe 4:9

Suzgikani, ndi tenjeni, ndi liyani: kadara kinu kazgoke chitenje, ndi chimwemwe chinu ku chitima.