Nehemiya 8:6 - Tonga Bible 1986

⁶ Ndipo Ezra wangutumbika Ambuya Chiuta mura; ndipo ŵanthu wose ŵangwamuka, “Ameni, Ameni,” ŵangusoska manja ghawo; ndipo ŵanguŵerama mitu yawo ndi ŵangusopa Ambuya ndi visku vyawo kavunama pasi.

Nehemiya 8:6 ပူးပေါင်းရင်းမြစ်များ

Chiyambo 14:22

Kweni Abramu wanguti ku karonga wa Sodomu, “Ndarapa ku Ambuya Chiuta Wapachanya Limu, Mlengi wa kuchanya ndi pasi,

Chiyambo 24:26

Munthu yo wangukotama mutu wake ndi wangusopa Ambuya,

1 Mikoka 16:36

Ŵatumbikike Ambuya, Chiuta waku Yisraele, muyaya ndi muyaya!” Ndipo ŵanthu wose ŵanguti, “Ameni!” ndi ŵangutumbika Ambuya.

1 Mikoka 29:10

Viyo Davidi wangutumbika Ambuya paurongo pa wumba wose, wanguti: “Mwakutumbikika ndimwe, Ambuya, Chiuta waku Yisraele auskefwe, muyaya ndi muyaya.

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

2 Mikoka 20:18

Ndipo Yehosafati wangusindama mutu wake kulazga chisku pasi, ndipo ŵaYuda wose ndi ŵamu Yerusalemu ŵanguwa pasi kulambiya Ambuya Chiuta.

2 Mikoka 29:10

Sono ichi che mu mtima wangu kuchita phanganu ndi Ambuya, Chiuta, waku Yisraele, kuti ukari wake wakofya utuwepo paku ifwe.

2 Mikoka 29:30

Hezekiya karonga, ndi mafumu ŵangulanguliya ŵaLevi kumba mathamiko ku Ambuya ndi mazu ghaku Davidi ndi ghaku Asafi muwona. Ŵangumba mathamiko ndi likondwa, ndipo ŵangusindama ndi ŵangusopa.

2 Mikoka 6:4

Ndipo iyo wanguti, “Atumbikike Ambuya, Chiuta waku Yisraele, yo wafiska ndi manja ghake cho wangupangana ndi mlomo wake kwaku Davidi ada, kuti,

Nehemiya 5:13

Ndipo ndingukung'untha so chiunu changu ndi ndinguti, “Viyo Chiuta wadikiskemo munthu we yose mu nyumba yake ndi mu nchitu yake yo warekenge kufiska phanganu lake, viyo ndimo wadikiskiyemo ndi kuŵa wambura kanthu.” Ndipo wumba wose unguti, “Ameni,” ndi ungukankhuska Ambuya. Ndipo ŵanthu ŵanguchita kwakuyana ndimo ŵangupanganirana.

Nehemiya 8:7

Ndipo Yeshua, Bani, Sherebiya, Jamini, Akubu, Shabatai, Hodiya, Maseya, Kelita, Azariya, Yozabadi, Hanani, Pelaya, ŵaLevi, ŵangovya ŵanthu kuwamo dangu, penipo ŵenga ŵeche mu malo ghawo.

Sumu 134:2

Soskiyani manja ghinu ku malo ghakupaturika, ndipo rumbani Ambuya!

Sumu 141:2

Rondeni rombu langu nge nchakusunkhizga paurongo pinu, ndi kusoska kwa manja ghangu ngendi sembe ya mazulo.

Sumu 28:2

Vwani mazu gha kuŵeyere kwangu, ndichikutiya chovyo kwaku imwe, po ndisoske manja ghangu kulazga ku malo ghinu, ghakupaturika kwakuruska.

Sumu 41:13

Atumbikike Ambuya, Chiuta waku Yisraele, kutuwa ku muyaya mpaka ku muyaya! Ameni ndi Ameni.

Sumu 63:4

Ndiwongenge imwe ndichiŵa wamoyo, ndisoskenge manja ghangu kwaku imwe mu kuromba.

Sumu 95:3

Pakuti Ambuya ndi Chiuta mukuru, ndi karonga wanthazi pa ŵachiuta wose.

Chituwa 12:27

Imwe mutinge, ‘Nchisopo cha kujumphapo ŵaka cha Ambuya pakuti angujumphapo ŵaka pa nyumba za ŵaYisraele mu Egipiti, pa nyengo yo angubayiya ŵaEgipiti kweni angupozomoska nyumba zidu.’ ” Ndipo ŵanthu ŵanguŵerama mitu yawo ndi ŵangusopa.

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

Yeremiya 28:6

wanguti, “Ameni! Ambuya ŵachitedi viyo; Ambuya ŵachite kuti mazu gho wachima ghaŵe ghakuneneska, ndipo awezge kuno viyaŵi vya nyumba ya Ambuya, ndi ŵamikoli wose kutuwa ku Babiloni.

Chitenje 3:41

Tiyeni tiyunuskiye mitima ndi manja ghidu kwaku Chiuta kuchanya:

ŴaLevi 9:24

Ndipo moto unguburika kutuwa paurongo pa Ambuya ungocha mpasku wakocha ndi mafuta gho ghenga pa jochero; ndipo penipo ŵanthu wose ŵanguwuwona, ŵangukambura, ndi ŵanguwa pasi kavunama.

Mateyu 26:39

Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.”

Mateyu 6:13

Ndipo mungatitole mu kesedu kweni titaskeni ku mheni yo.

1 ŴaKorinte 14:16

Ipu napo, asani utumbika ndi mzimu, yo ngwambura kuwamo wanenenge uli “Ameni” pa chiwonga chako, penipo walive kuziŵa cho urongoro?

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

Chivumbuzi 7:11

Ndipo ŵangelo wose ŵanguma kwakuzunguliya ŵara wo ndi vyamoyo vyo vinayi; ndipo ŵanguwa kavunama paurongo pa chitengu-chaufumu, ndi kumlambiya Chiuta,