Nehemiya 8:10 - Tonga Bible 1986

¹⁰ Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Nehemiya 8:10 ပူးပေါင်းရင်းမြစ်များ

1 ŴaKaronga 8:66

Pa zuŵa la chinkhonde ndi chitatu wanguwawezga wanthu, ndipo ŵangutumbika karonga, ndi ŵanguruta ku mizi yawo ŵakukondwa ndi ŵachimwemwe mu mtima chifukwa cha umampha wo Ambuya angurongo kwaku Davidi muŵanda wawo ndi kwaku Yisraele khamu lawo.

1 Mikoka 16:27

Unkhankhu ndi ulemu vye paurongo pawo; nthazi ndi chimwemwe vye mu malo ghawo.

Nehemiya 8:11

Viyo ŵaLevi ŵanguchetamiska ŵanthu, ŵanguti, “Chetamani, pakuti zuŵa ili ndakupaturika, mungaŵanga ŵachitima cha.”

Nehemiya 8:12

Ndipo ŵanthu ŵanguruta kwawo kwachirgha ndi kumwa ndi kwachituma vinyake ndi kwachichita chimwemwe chikuru, pakuti ŵanguwamo mazu gho ghangutaulika kwaku iwo.

Estere 9:19

Chifukwa ichi ŵaYuda ŵamu mizi yambura malinga, ŵangulichita zuŵa la chumi ndi ghanayi la mwezi Adara kuŵa zuŵa la likondwa ndi la dghera zuŵa lamampha, lakutumirana twamampha-twamampha.

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Sumu 149:2

Wakondwere, Yisraele mu Mlengi wake; ŵakondwe, ŵana ŵaku Zioni, mukaronga wawo!

Sumu 89:17

Mutitipaska maupundi ghakuru; mu ulemu winu ndimu tiruskiya,

Nthanthi 17:22

Mtima wakusangaruka ndimunkhwara wamampha, kweni mzimu wa chitima umizga viwanga.

Wakutaula 11:2

Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

Wakutaula 2:24

Kulivi chamampha chakumwenere munthu kwakuruska kuti warghe ndi kumwa ndi kusaniya likondwa mu nchitu yake. Ichi nacho ndinguchiwona, nchakutuliya ku janja laku Chiuta;

Wakutaula 3:13

ndipo so nchawezi chaku Chiuta ku munthu kuti yose warghe ndi kumwa ndi kukondwere mu nchitu zake zose.

Wakutaula 5:18

Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Yesaya 49:5

Ndipo sono Ambuya atiti, wo angundilenga kutuwa ku chibari kuŵa mteŵeti wawo, kuwezge Yakobe kwaku iwo, ndikuti Yisraele waungane kwaku iwo, pakuti ndatumbikika mu maso gha Ambuya, ndipo Chiuta wangu waŵa nthazi yangu.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yoele 2:23

“Kondwani mwa ŵana ŵaku Zioni, sekeriyani mwa Ambuya Chiuta winu, chifukwa wampaskani vuwa yakwamba, ndi yaumari nge ndi kali.

Zekariya 14:21

ndipo chiŵiya chose mu Yerusalemu ndi Yuda chiŵenge chakupaturika ku Ambuya ŵa maŵanja, ndi viyo kuti wose akupereka sembe ŵangaza ndi kuvito ndi kubikamo nyama ya sembe. Ndipo kuti kuŵenge so ŵakugulana maronda cha, mu nyumba ya Ambuya ŵa maŵanja mu zuŵa lo.

Luka 11:41

Posepose paskani vyamkati nge ndi vyawezi, ndipo onani, vyose vikuŵiyani vyakuphotoleka.

2 ŴaKorinte 8:2

Mwakuti, mu kweseka kukuru kwa suzgu, uzariwa chimwemwe chawo mu ukavu weniukuru wafurwiya mu usambasi wa wanangwa wawo.

ŴaFilipi 3:4

Chingana ine ndingagomekezga mu liŵavu. Asani munyake watiti wendi kafukwa kakugomekezge mu liŵavu, iku ine ukongwako:

Chivumbuzi 11:10

Ndipo wo ŵaja pa charu ŵakakondwerenga pa nyifwa yaku wo ŵaŵi, ndi kusekere, ndipo ŵamtumirana vyawezi; chifukwa ŵamchimi wo ŵaŵi ŵanguyungwiska ŵakuja pa charu.

1 Samuele 25:8

Uŵafumbe ŵanyamata ŵako, ndipo ŵakakukambiyanga. Chifukwa ichi ndipempha kuti ŵanyamata ŵangu aŵa ŵasaniye wezi mu maso ghako, pakuti ichi ndipempha kuti ŵanyamata ŵangu aŵa ŵasaniye wezi mu maso ghako; pakuti ili ndi zuŵa la likondwa la dghera lidu. Ndiromba, ŵapaskeni ŵateŵeti ŵinu ndi mwana winu Davidi kose ko mwenako mu janja linu.’ ”