Nehemiya 7:70 - Tonga Bible 1986

⁷⁰ Sono ŵanyake wo ndi mitu ya nyumba za auskeu ŵangupaskako ku nchitu. Mweruzgi mura wangupaska ku mbiku chikwi chimoza madariki gha golide (1,000), mabeseni machumi ghankhonde (50), maraya gha ŵazukuru machumi pe chumi ghankhonde ndi machumi ghatatu (530).

Nehemiya 7:70 ပူးပေါင်းရင်းမြစ်များ

1 ŴaKaronga 7:45

Sono viŵiya, zimbanu, ndi mabeseni, viyaŵi vyose ivi mu nyumba ya Ambuya, vyo Hiramu wangupangiya karonga Solomoni, vyenga vya mkuŵa wakugadima.

1 Mikoka 28:17

ndi golide lamampha la zimbano zakuŵaniya kurgha, mabeseni, nkhombo ndi mbali za golide, ndi uzitu waku yose, ndi mbali za siliva ndi uzitu waku ye yose;

2 Mikoka 4:11

Hiramu wanguwumba viŵiya, ndi vyakuyole ndi mbali zisani. Viyo Hiramu wangufiska nchitu yo wanguchitiya karonga Solomoni mu nyumba yaku Chiuta:

2 Mikoka 4:8

ndipo wanguchita mbali zisani, machumi pe chumi (100) za golide.

Nehemiya 10:1

Ŵeniwo ŵanguŵikapo chizighiriyo chawo ndi Nehemiya mweruzgi mura, mwana munthurumi waku Hakaliya, Zedekiya,

Nehemiya 7:65

mweruzgi mura wanguŵanene kuti ŵareke kusanganapo nawo chakurgha chakupaturika cha pachanya, mpaka penipo mzukuru wakuŵa ndi Urimi ndi Tumimi wangumikika.

Nehemiya 7:69

Ŵagamila ŵawo machumi pe chumi ghanayi ndi machumi ghatatu pachanya ŵankhonde (435), ndi mbunda zawo vikwi vinkhonde ndi chimoza, ndi machumi pe chumi ghankhonde ndi ghaŵi, pachanya machumi ghaŵi (6,720).

Nehemiya 7:71

Ndipo ŵanyake wo ndi mitu ya nyumba za auskeu ŵangupaska ku mbiku ya nchitu yo vikwi machumi ghaŵi (20,) gha madariki gha golide, ndi vikwi viŵi ndi machumi pe chumi ghaŵi (2,200) gha mweso wa siliva.

Nehemiya 8:9

Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Chituwa 12:22

Toni khoroza la mani ndi mulibizge mu ndopa zo ze mu mbali; ndipo mupake pa mugoro ndi nchindamiru ziŵi zapa khomo ndi ndopa zo zemu mbali, ndipo palivi yumoza wakatuwanga pa khomo la nyumba mpaka mlenji.

Chituwa 24:6

Ndipo Mosese wanguto chigaŵa chimoza cha ndopa ndi wanguziŵika mu zimbale, ndipo chigaŵa chinyake cha ndopa wanguwazgiya ku jochero la sembe.

Yeremiya 52:19

ndi mbale zimana-zimana, vyakupariyapo moto, mabeseni, mimphika, vyakuŵikapo nyali, mbale za vyachema, ndi mbale za vyakudiriya. Vyo vyenga vya golide, nduna yinguruta navyo kuvyesa nge ndi golide, ndi vyo vyenga vya siliva, kuvyesa nge ndi siliva.