Nehemiya 7:6 - Tonga Bible 1986

⁶ Yaŵa ndiwo ŵenga ŵanthu ŵachigaŵa ŵeniwo ŵangutuwa mu kukoleka, ŵaku wo ŵenga mu umkoli, ŵeniwo Nebukadanezara karonga wa Babiloni wanguyole kuvyaru vinyake, ŵanguwere ku Yerusalemu ndi ku Yuda, we yose ku muzi wake.

Nehemiya 7:6 ပူးပေါင်းရင်းမြစ်များ

2 ŴaKaronga 25:11

Ndipo ŵanthu wose wo ŵangusiyika mu msumba wo ndi wakuthaŵa, wo ŵanguthaŵa ku karonga wa Babiloni, pamoza ndi mzinda wose wakujapo, Nebuzaradani, nduna ya ŵalonda ŵakaronga wanguŵatole ku umkoli.

Ezra 5:8

Kuziŵike ku karonga kuti tinguruta ku charu chaku Yuda, ku nyumba yaku Chiuta Mkuru, yo yizengeka sono ndi mya yikuru ndi miti yiŵikika pa viliŵa. Nchitu yitenda mwa ruŵi, yilivi kulondeka kutuwa mu manja ghawo.

Ezra 6:2

Ndipo mu Ekebatana wo ndi msumba ukuru mu chigaŵa cha charu cha Media, mungusanirika kalata wa mazu yagha ghakuti, “Chikumbusku.

Nehemiya 1:3

Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Nehemiya 7:7

Ŵanguza ndi Zerubabele, Yeshua, Nehemiya, Azariya, Ramiyo, Nahamani, Mordekayi, Bilishai, Mispereti, Bigivayi, Nehumu, Bana. Unandi wa ŵanthurumi ŵa ŵaYisraele: