Nehemiya 7:5 - Tonga Bible 1986

⁵ Sono Chiuta wanguŵika mu zeru yangu kuti ndiwungang'e pamoza ŵaraŵara ndi zinduna ndi ŵanthu kuti ŵalembeke mwa mphapu zawo. Ndipo ndingusaniya buku la zimphapu zaku wo ŵanguza pakudanga, ndi ndingusaniya vyenivyo vingulembekamo:

Nehemiya 7:5 ပူးပေါင်းရင်းမြစ်များ

Ezra 2:62

Yaŵa ŵakhumbanga kulembeka mukati mwaku wo ŵanguŵerengeka mu kawidu kawo, kweni kuti ŵangusanirikamo cha, viyo ŵangutuzgika mu uzukuru chifukwa chambura kutozgeka.

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

Nehemiya 5:19

Kumbukani chifukwa cha umampha wangu, a Chiuta wangu, vyose vyenivyo ndachitiya yaŵa ŵanthu.

Nehemiya 6:14

Muŵakumbuke Tobiya ndi Sanbalata, A Chiuta wangu, kwakuyana ndi vinthu ivi vyenivyo ŵakuchita, ndipo so muchimikazi Noadiya ndi ŵamchimi wose ŵanyake ŵeniwo ŵangukhumba kundofya.

Nehemiya 7:4

Msumba wenga usani ndi ukuru, kweni ŵakuja mwenimo ŵenga ŵamana ndipo nyumba zengavi kuzengeka.

Nehemiya 7:64

Yaŵa ŵangupenja kulembeka kwawo mu zimphapu zo, kweni ŵengavi kusanirikamo, viyo ŵangutuzgikako ku ukukuru nge mbambura kuphotoka;

Nthanthi 2:6

Pakuti Ambuya apaska zeru; ku mlomo wawo kutuwa zeru ndi kuwamo;

Nthanthi 3:6

Mu nthowa zako zose zomeranga iwo ndipo iwo ŵakanyoroskanga nthowa zako.

1 ŴaKorinte 15:10

Kweni ndi wezi waku Chiuta nde ine mo ndiliri: ndipo wezi wake wakwaku ine kuti unguŵa wawaka cha; pakuti ndatakataka kwa nthazi ukongwa kwakuruska iwo wose; ndipuuli ine cha, kweni wezi waku Chiuta wo we nane.

2 ŴaKorinte 3:5

Kuti ndikamba cha kuti te ŵakukwaniya mwaku taŵeni, kujipimiya nge tendi kanthu kakutuliya pa mtima waku taŵeni, kweni kukwaniriskika kwidu nkhwakutuliya kwaku Chiuta,

2 ŴaKorinte 8:16

Kweni wawongeke Chiuta, yo waŵikamu mtima waku Tito linweka lenilo pe lapa chifwa chaku imwe.

ŴaKolose 1:29

Mwaku ichi nditakataka ndawakulimbalimba ndi nthazi yose yo wachitiya mwaku ine.

Yakobe 1:16

Mungarandizgikanga, mwa ŵabali ŵangu ŵakwanjiwa.