Nehemiya 6:6 - Tonga Bible 1986

⁶ Mu kalata mungulembeka mazu yagha, “Kwavwika mu ŵa mitundu, ndipo Gesheme nayo wakamba ghenigho, kuti iwe ndi ŵaYuda mukhumba kugaluka; ndicho chifukwa mumangiya linga; ndipo iwe ukhumba kuŵa karonga wawo; kwakulingana ndi kakambidu ko.

Nehemiya 6:6 ပူးပေါင်းရင်းမြစ်များ

Ezra 4:12

Kuziŵike ku karonga kuti ŵaYuda, wo ŵangutuwa ko kwinu kuza kwaku ifwe kunu ŵakuruta ku Yerusalemu. Ŵazenga so msumba uwa wachigaruka ndi wa uheni; ŵamalizga malinga ndi kunozga so viŵanja.

Ezra 4:15

Sono lisandike buku la makani ghakale gha ŵambuyamwe. Mu buku la makani musaniyenge ndi kuwamo nadi kuti muzi uwu ngwachigaruka, wachitiya uheni ŵakaronga ndi vyaru, ndi kuti chigaruka chikuyuskikamo ndi kale. Chifukwa ichi ungupasulika.

Nehemiya 2:19

Kweni penipo Sanbalata mwina Horono, ndi Tobiya mteŵeti mwina Amoni, ndi Geshemu muArabu ŵanguti ŵachivwa, ŵangutiseka ndi ŵangutiyeya ndi ŵanguti, “Nchinthu uli ichi cho muchita? Kumbi mugalukiya karonga?”

Nehemiya 6:13

Pa chifukwa chenichi ndipo wangulembeke, kuti ine ndope ndi ndichite mo wangakambiya iyo kuti ndilakwe, alinga wazindipaske ine zina la uheni alinga wanditonyole.

Nehemiya 6:5

Mu nthowa yeniyo pe Sanbalata kachinkhonde wangutuma mteŵeti wake kwangu ndi kalata wa pakweru mu janja lake.

Nehemiya 6:7

Ndipo iwe wamika so ŵamchimi ŵakumemeza ghaku iwe mu Yerusalemu kuti, ‘Mwe karonga mu Yuda.’ Ndipo sono ghatumikenge ku karonga makani ghenagha. Chifukwa cho sono uzi kuno tizikambiskane fundu.”

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Mateyu 5:11

“Mwe ŵakutumbikika penipo ŵanthu ŵamtoza ndi kuŵemba imwe, ndipo ŵamnena chiheni chose paku imwe kwautesi, pa chifukwa chaku ine.

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Yohane 19:13

Viyo pakuvwa mazu yagha Pilato wangutole Yesu kubwaro, wanguja pasi pa chakweruzgiyapo, mu malo ghakuzumbulika, mphara yamya, kweni mu chiHebre, Gabata.

ŴaRoma 3:8

Ndipo chifukwa chine tireka kukamba (nge ndimo titukikiya, ndi nge ndimo ŵanyake ŵatiti ifwe tikamba), tichitenge viheni, alinga vizenge vyamampha? Chisusa cha waviyo nchakurunjika.

2 ŴaKorinte 6:8

mumarumbu ndimu muyuyu, mu thenthe liheni ndi thende limampha. Tichitika nge mbarandizgi, kweni te ŵaneneska;

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.