Nehemiya 6:13 - Tonga Bible 1986

¹³ Pa chifukwa chenichi ndipo wangulembeke, kuti ine ndope ndi ndichite mo wangakambiya iyo kuti ndilakwe, alinga wazindipaske ine zina la uheni alinga wanditonyole.

Nehemiya 6:13 ပူးပေါင်းရင်းမြစ်များ

Nehemiya 6:12

Ndipo ndinguwamo, ndi ndinguwona kuti Chiuta wengavi kumtuma, kweni wangutaula uchimi wa paku ine chifukwa Tobiya ndi Sanbalata ŵangumulembela nchitu.

Nehemiya 6:6

Mu kalata mungulembeka mazu yagha, “Kwavwika mu ŵa mitundu, ndipo Gesheme nayo wakamba ghenigho, kuti iwe ndi ŵaYuda mukhumba kugaluka; ndicho chifukwa mumangiya linga; ndipo iwe ukhumba kuŵa karonga wawo; kwakulingana ndi kakambidu ko.

Nthanthi 22:1

Zina lamampha lisankhike kwakuruska mausambasi ghakuru, ndipo mwaŵi ngwamamphaku kwakuruska siliva ndi golide.

Nthanthi 29:5

Munthu mweniyo wapusika muzengezgani wake wathyiya marundi ghake chilepa.

Wakutaula 7:1

Mbiri yamampha njamampha kwakuruska mafuta ghakuzirwa; ndipo zuŵa lakufwiya, liruska zuŵa la kuwiya.

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Yeremiya 1:17

Kweni iwe ujichinyiye mu chiunu chako; soka, ukaŵanene che chose cho ndikulanguliyenge iwe. Ungawopanga iwo cha vinu ndingakuwopeska paurongo pawo.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Ezekiele 2:6

Ndipo iwe, mwana wa munthu, ungaŵawopanga cha, nanga nkhopa mazu ghawo, nanga mukwakwazu ndi minga vye paku iwe ndipo uja pasi pa vipiliri; kopa mazu ghawo cha, pamwenga kulakatuka ndi kalereskero kawo, chifukwa ndiwo nyumba yakugaruka.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Mateyu 22:15

Penipo ŵaFarisi ŵanguruta ndipo ŵangupangana upu, mo ŵangamkole mu mazu.

Mateyu 26:59

Ndipo ŵazukuru ŵara ndi upu wose ŵapenjanga ukaboni wa utesi paku Yesu, alinga kuti ŵamubaye,

Machitidu gha Ŵakutumika 6:13

ndipo ŵangumika ŵakaboni ŵatesi, wo ŵanguti, “Munthu mwenuyu kuti wareka cha kukamba mazu pa malo ghano ghakupaturika ndi pa chilangulu;

2 ŴaKorinte 11:12

Kweni chenicho ndichita, ndicho ndikachitanga, mwakuti ndidumuweko fundu kwaku wo ŵakhumba kujimemeza mu kujikuzga ndikutumika kwawo kuti ŵateŵeta nge ndifwe.

1 Timote 5:14

Viyo na ndikhumba vimanako kuŵirwa so, kupapa ŵana, kuruliska nyumba, kupaska nyengo cha ku ŵamawongu yaku titukiya:

2 Timote 1:7

Chifukwa Chiuta wengavi kutipaska mzimu wa chitenthe, kweni wa nthazi ndi wa chanju ndi wa chilangwa.

Tito 2:8

kakambidu kazirima, ko nkhambura masuskika; alinga kuti yo ngwakumikana nafwe walengeskeke, pakuuravi kaheni kakwachisumuliya iwe.

Yakobe 4:17

Viyo kwaku yo waziŵa kuchita keneko, ndipo ngwambura kukachita, kwaku mweniyo nchilakwa.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”