Nehemiya 6:11 - Tonga Bible 1986

¹¹ Kweni ine ndinguti, “Kumbi munthu wakuŵa nge ndine wangwenere kuthaŵa? Ndipo munthu njani wakuŵa nge ndine wangaruta mu Kasopi ndipo wangaŵa wamoyo? Kuti ndamuseremo cha.”

Nehemiya 6:11 ပူးပေါင်းရင်းမြစ်များ

Nehemiya 6:12

Ndipo ndinguwamo, ndi ndinguwona kuti Chiuta wengavi kumtuma, kweni wangutaula uchimi wa paku ine chifukwa Tobiya ndi Sanbalata ŵangumulembela nchitu.

Nehemiya 6:3

Ndipo ndingutuma nthumi kwaku wo, ndinguti, “Ndichita nchitu yikuru kuti ndingasikiya ko cha, chifukwa nchine chakuti ndijowo nchitu ndi kuza kwaku imwe?”

Nehemiya 6:9

Pakuti wose ŵakhumbanga kutofya ifwe ŵakughanaghana kuti, “Manja ghawo ghakajowonga nchitu yo, ndipo kuti yikachitikanga so cha.” Kweni sono, A Chiuta, mulimbiske manja ghangu.

Sumu 112:6

Munthu wamampha kuti wakatondekanga cha, ndipo kuti wakaruwikanga cha muyaya.

Sumu 112:8

Kuti wasuzgika ndi maghanaghano pamwenga kuchita wofi cha, wafikapo mtima kuti wakawonanga ŵarwani ŵake ŵachithereskeka.

Nthanthi 28:1

Ŵamphulupulu ŵathaŵa penipo palivi mweniyo watuŵadikiska, kweni ŵarunji mbakukhwima mtima uli ndi nkharamu.

Wakutaula 10:1

Nyezi zakufwa zipaska mafuta gha wakwenga lifungu liheni; viyo ndimo uzereza umanavi upepuliya vinjeru ndi ulemu.

Yesaya 10:18

Unkhankhu wa lisuwa lake ndi charu chake chakupasa Ambuya akaparghang'anga viŵi viyo mzimu ndi liŵavu, ndipo kukaŵanga uli ndi pa munthu wachita liwondewonde.

Maŵerengedu 3:10

Mika, Aroni ndi ŵana ŵake, kuti ŵasungenge uteŵeti wawo wa uzukuru, kweni asani munthu wamwenga wandere kufupi, wakabayikanga.”

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

Machitidu gha Ŵakutumika 8:1

Ndipo Saulo wazomerezgananga nawo mu kubayika kwake. Ndipo mu zuŵa lo chinguŵapo chiŵembu chikuru pa mpingu wamu Yerusalemu; ndipo ŵangumwaranikiya wose mu vyaru vya Yuda ndi Samaria, kweni ŵakutumika wo pe cha.

ŴaFilipi 2:17

Ndikweni, nanga ndipungulikiya pa chisopu ndi uteŵeti ukhovu wa chivwanu chinu, ndikondwa, ndipo ndikondwere ndi imwe mose.

ŴaFilipi 2:30

pakuti chifukwa chamlimu waku Kristu wenga pafupi kufwa, kutaya umoyo wake mwakuti wafiske nchitu yo imwe mwengavi kufiska kwaku ine.

ŴaHebere 11:27

Ndi chivwanu wangureka Egipiti, kwambura kopa kandundu ka karonga yo; chifukwa wangukunthiyapo, uli ngwakumuwona yo ngwambura mawoneka.

1 Samuele 19:5

Pakuti wanguŵika umoyo wake mu chikufi chake; ndipo wangubaya muFilisti, ndipo Ambuya anguchita utaski ukuru paku Yisraele yose. Munguwona, mungukondwere, na chifukwa nchine mulakwenge kumikana ndi ndopa zambura kafukwa, pakubaya Davidi wambura kafukwa?”