Nehemiya 5:19 - Tonga Bible 1986

¹⁹ Kumbukani chifukwa cha umampha wangu, a Chiuta wangu, vyose vyenivyo ndachitiya yaŵa ŵanthu.

Nehemiya 5:19 ပူးပေါင်းရင်းမြစ်များ

Chiyambo 40:14

Kweni ukandikumbuke ine, penipo kwakujaliya umampha, ndipo ukandichitiye lisungu, nditukuŵeyere, kwachindizumbuwa kwaku Farao viyo kuti ndituzgike mu nyumba iyi.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

Nehemiya 13:14

Mundikumbuke ine, Chiuta wangu, paku ichi, ndipo mungasistanga cha nchitu zangu zamampha zo ndachitiya nyumba yaku Chiuta wangu ndi uteŵeti wake.

Nehemiya 13:22

Ndipo ndingulamuliya ŵaLevi kuti ŵajitozgenge ndi kuza kulonda malikomo, kusunga zuŵa la sabata kuŵa lakupaturika. Kumbukani ichi nacho kurumba ine, Chiuta wangu, ndipo mundisunge kwakuyana ndi ukuru wa chifundu chine.

Nehemiya 13:31

ndipo ndingurongosole mpasku wa nkhuni pa zinyengo zakutemeka ndi kurongosole vipasi vyakudanga, mundikumbuke ine, Chiuta wangu chifukwa cha umampha.

Sumu 106:4

Mundikumbuke, Ambuya, po muchitiya umampha ŵanthu ŵinu; pakuŵataska, munditaskiye nawo, kumoza.

Sumu 40:17

Kweni nge ndine, nde mukavu ndi musauchi; kweni ndipuuli Ambuya atindikumbuka. Imwe ndimwe chovyo changu ndi mtaski wangu; A Chiuta wangu, mungasweranga!

Yeremiya 29:11

Pakuti ndiziŵa marongosoledu gha paku imwe, atiti Ambuya, marongosoledu gha umoyo wamampha, gha uheni cha, kukuwoneskani vyamampha vyo vituza ndi vyakugomezga.

Mateyu 10:42

Ndipo yose yo wangamweska yumoza wa ŵamana yaŵa chingana ndi chandi cha maji ghakuzizira mu zina la msambizi, ndikuneneskiyani, kuti wangataya mphotu yake cha.”

Marko 9:41

Chifukwa yose yo wangamweska imwe nkhombo ya maji mu zina lakuti mwe ŵaku Kristu, ndikuneneskiyani kuti watayenge mphotu yake cha.