Nehemiya 4:7 - Tonga Bible 1986

⁷ Kweni penipo Sanbalata ndi Tobiya ndi Arabu ndi ŵina Amoni ndi Ashidodi ŵanguvwa kuti kurongoso kwa linga la Yerusalemu kwarutiriyanga ndi kuti vyakusweka vingwamba kujarika, ŵangukalipa ukongwa,

Nehemiya 4:7 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

2 ŴaKaronga 24:2

Ndipo Ambuya angutuma maŵanja gha ŵaKaldiya ŵaSiriya, ŵaMoabu ndi maŵanja gha ŵa Amoni ghanguza kurwana ndi Yuda kuwupasuwa. Kwakuyana ndi mazu gha Ambuya gho angurongolole mu ŵateŵeti ŵawo ŵamchimi.

2 Mikoka 20:1

Pavuli paku ichi ŵaMoabu ndi ŵaAmoni pamoza ndi ŵanyake ŵa Ameuni ŵanguza kurwa nkhondo ndi Yehosafati.

Ezra 5:8

Kuziŵike ku karonga kuti tinguruta ku charu chaku Yuda, ku nyumba yaku Chiuta Mkuru, yo yizengeka sono ndi mya yikuru ndi miti yiŵikika pa viliŵa. Nchitu yitenda mwa ruŵi, yilivi kulondeka kutuwa mu manja ghawo.

Nehemiya 2:10

Kweni penipo Sanbalata mwina Horono ndi Tobiya mteŵeti mwina Amoni, ŵanguti ŵavwa ichi, chinguŵakalipiska ukongwa kuti kwaza munthu yo wapukwa makani gha ŵana ŵaku Yisraele.

Nehemiya 2:19

Kweni penipo Sanbalata mwina Horono, ndi Tobiya mteŵeti mwina Amoni, ndi Geshemu muArabu ŵanguti ŵachivwa, ŵangutiseka ndi ŵangutiyeya ndi ŵanguti, “Nchinthu uli ichi cho muchita? Kumbi mugalukiya karonga?”

Nehemiya 4:1

Sono penipo Sanbalata wanguvwa kuti tazenganga linga lo wangukala ndi wangutoroma ukongwa ndi wanguŵatonyola ŵaYuda.

Nehemiya 4:6

Viyo tinguzenga linga, ndipo linga lose lingugumanizgika kuŵa limoza kwachifika pa msinkhu wake wa pakatikati. Pakuti ŵanthu ŵenga waphamphu kuchita nchitu.

Nehemiya 4:8

ndipo iwo wose ŵanguzomerezgana kuzachichita nkhondo ndi Yerusalemu ndi kuti ŵatimbanizge mitima ya ŵanthu ŵa mwenimo.

Nehemiya 6:16

Ndipo penipo ŵakupindikana ŵidu wose ŵanguvwa kuti kwe viyo, mitundu yose yakutizunguliya yingutenthema ndipo yingudelukadi nthazi, pakuti ŵanguziŵa kuti nchitu iyi yingufiskika ndi chovyo chaku Chiuta widu.

Yeremiya 25:20

ŵalendo wose mukati mwawo; ŵakaronga wose ŵa charu cha Uzi ndi ŵakaronga ŵa charu cha ŵaFilisti (Ashikeloni, Gaza, Ekroni, ndi ŵakujako ŵa Ashidodi);

Yeremiya 41:10

Sono Ishimaele wanguŵachita uŵanda ŵanthu wose ŵakujapo wo ŵenga mu Mizipa, ŵana ŵanthukazi ŵakaronga ndi ŵanthu wose wo ŵangujapo mu Mizipa, wo Nebuzaradani nduna ya ŵalonda ŵa ŵakaida wangupereka kwaku Gedaliya mwana waku Ahikamu. Ishimaele mwana waku Netaniya wanguŵayole ku umkoli ndipo wangusoka wangwambukiya ku Amoni.

Amosi 1:13

Viyo atiti Ambuya: “Chifukwa cha maulakwi ghatatu gha Amoni, ndi wachinayi, kuti ndiwezgenge kulangika kwawo cha; chifukwa ŵangupanguwa ŵanthukazi ŵanthumbu ŵaku Gileada mwakuti ŵakuzgi mphaka yawo.

Amosi 1:8

Ndiwiskenge ŵakuja mu Ashidodi, ndi yo wakoreze ndodo ya ufumu mu Ashikeloni; ndi ng'anamuwenge janjalangu kumikana ndi Ekroni; ndi ŵakujako ŵa ŵaFilisti ŵakamaranga,” atiti Ambuya Chiuta.

Amosi 3:9

Wandiskani mu malinga mu Asiriya ndi mu malinga mu charu cha Egipiti, kuti, “Unganani pa mapiri gha Samaria, ndi muwone vivurupi vikuru mukati mwake, ndi visuzgu mukati mwake.”

Machitidu gha Ŵakutumika 5:33

Kweni iwo pakuvwa ŵangukaripa, ndipo ŵakhumbanga kuŵabaya.

Chivumbuzi 12:17

Ndipo nchalinda wangukaripa pa munthukazi, ndipo wanguruta kurwana ndi ŵakujapo ŵa mbeu yake, ŵeniwo nawo ŵasungirizga marangu ghaku Chiuta, ndipo ŵe ndi chisimisimi chaku Yesu. Ndipo wanguma pa mchenga wapa nyanja.

1 Samuele 11:2

Nahashi wanguti, “Ndipanganenge namwe phanganu pa fundu iyi yakuti, ndikorowonge mose jiso linu laku marghe, mwakuti chiŵi chitozero pa ŵaYisraele wose.”