Nehemiya 2:19 - Tonga Bible 1986

¹⁹ Kweni penipo Sanbalata mwina Horono, ndi Tobiya mteŵeti mwina Amoni, ndi Geshemu muArabu ŵanguti ŵachivwa, ŵangutiseka ndi ŵangutiyeya ndi ŵanguti, “Nchinthu uli ichi cho muchita? Kumbi mugalukiya karonga?”

Nehemiya 2:19 ပူးပေါင်းရင်းမြစ်များ

Nehemiya 13:28

Ndipo yumoza wa ŵana ŵanthurumi ŵaku Yehoiyada mwana waku Eliyashibu mzukuru mura wenga mukosanu waku Sanabalata mwina Horono; chifukwa ndingumudikiska kwangu.

Nehemiya 2:10

Kweni penipo Sanbalata mwina Horono ndi Tobiya mteŵeti mwina Amoni, ŵanguti ŵavwa ichi, chinguŵakalipiska ukongwa kuti kwaza munthu yo wapukwa makani gha ŵana ŵaku Yisraele.

Nehemiya 4:1

Sono penipo Sanbalata wanguvwa kuti tazenganga linga lo wangukala ndi wangutoroma ukongwa ndi wanguŵatonyola ŵaYuda.

Nehemiya 6:6

Mu kalata mungulembeka mazu yagha, “Kwavwika mu ŵa mitundu, ndipo Gesheme nayo wakamba ghenigho, kuti iwe ndi ŵaYuda mukhumba kugaluka; ndicho chifukwa mumangiya linga; ndipo iwe ukhumba kuŵa karonga wawo; kwakulingana ndi kakambidu ko.

Nehemiya 6:9

Pakuti wose ŵakhumbanga kutofya ifwe ŵakughanaghana kuti, “Manja ghawo ghakajowonga nchitu yo, ndipo kuti yikachitikanga so cha.” Kweni sono, A Chiuta, mulimbiske manja ghangu.

Jobu 30:1

“Kweni sono ŵandiseka, ŵanthu wo mbanamana ndi ine, ŵauskeu ŵaku ŵeniwo mphanyi ndaŵapepuwa, ndi kuŵajarika pamoza ndi ŵagaru mskambu wangu.

Sumu 123:4

Nyengo yitali ukongwa mzimu widu wasuzgika mu kuwereka ndiwo ŵe mukufwasa, ndi misunjizgu la ŵakujikuzga.

Sumu 79:4

Taŵa chitozeru ku ŵanasi ŵidu; kawerere ndi chipukung'a mutu ku ŵakutizingirizga.

Sumu 80:6

Mwatisanduska chakulimbirana cha ŵakuzengezgana nafwe; ndipo ŵarwani ŵidu ŵatitiseka.

Sumu 80:7

Tiwezgeni, A Chiuta wanthazi zose! Mutirongo chanju chinu, alinga kuti titaskike!

Yesaya 36:5

Kumbi ughanaghana kuti mazu ghawaka mkhurwa ndipo ndi nthazi za nkhondo? Kumbi sono uyegeme paku yani po wandigarukiya?

Yeremiya 20:8

Pakuti penipo pose ndikamba, ndiliya, ndibangula, “Chiwawa ndi phasulu!” Pakuti mazu gha Ambuya ghandiŵiya ine tozu ndi chakusekeka zuŵa lose.

Yeremiya 41:10

Sono Ishimaele wanguŵachita uŵanda ŵanthu wose ŵakujapo wo ŵenga mu Mizipa, ŵana ŵanthukazi ŵakaronga ndi ŵanthu wose wo ŵangujapo mu Mizipa, wo Nebuzaradani nduna ya ŵalonda ŵa ŵakaida wangupereka kwaku Gedaliya mwana waku Ahikamu. Ishimaele mwana waku Netaniya wanguŵayole ku umkoli ndipo wangusoka wangwambukiya ku Amoni.

Mateyu 9:24

wanguŵanene, “Ndereniko: chifukwa msungwana yo kuti wafwa cha, kweni wara tulo.” Ndipo ŵangumseka.

Marko 5:40

Ndipo ŵangumseka, kweni iyo wati waŵatuzga wose, wanguto wiske wa kana, nyina ndi wapamoza nayo, wangusere mwenimo kana kenga.

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Yohane 19:12

Kutuwa penipa Pilato wangukhumba kumufwatuwa: kweni ŵaYuda ŵakamburanga, ŵakuti, “Asani ungamufwatuwa uyu, kuti ndiwe bwezi laku Kaisare cha: yose wakujisanduska karonga, wamikana ndi Kaisare.”

Machitidu gha Ŵakutumika 24:5

Chifukwa tikumsaniya munthu mwenuyu kuŵa chideru, ndi wakuyuska vivurupi mu ŵaYuda wose ŵamu charu chose, ndi chirongozgi wa pambuku la ŵaNazarete:

ŴaHebere 11:36

Ndipo ŵanyake ŵangweseka ndi matozu ndi malikhwechu, nadidi so, ndi magoŵa ndi ulinda.