Nehemiya 2:14 - Tonga Bible 1986

¹⁴ Pavuli ndingulutiriya ku likomo la Chisima ndi ku Thaŵali la karonga; kweni kuwa kwengavi malo ghakuprortako chinyama cho ndingukwerapo ine.

Nehemiya 2:14 ပူးပေါင်းရင်းမြစ်များ

2 ŴaKaronga 18:17

Ndipo karonga wa Asiriya wangutuma nduna yira ya warongozgi ŵankhondo, nduna yira ya ŵamuthenu ndi nduna yira ya ŵeruzgi, pamoza ndi nkhondo yikuru ukongwa kutuwa pa Lakishi kuruta ku Karonga Hezekiya ku Yerusalemu. Wanguti ŵafika ŵanguzachima pa msisi wa maji wa chiziŵa cha panena, wo wepa gurwi waku Munda wa Muwombasaru.

2 ŴaKaronga 20:20

Machitidu ghanyake ghaku Hezekiya, ndi kulimba kwake kose, ndimo wanguchitiya thaŵali ndi msisi ya maji kutole maji mu msumba asi vikulembeka mu Buku la Machitidu gha ŵakaronga ŵaku Yuda?

2 Mikoka 32:30

Ndipo Hezekiya wangujara kunena maji gha Gehoni kughendeska dera la kukuserere dazi la muzi waku Davidi.

Nehemiya 12:37

Pa likomo la chisima ŵanguruta kwakudunjika paurongo pawo pa makwerero gha msumba waku Davidi, pakwerero la linga, pachanya pa nyumba yaku Davidi, kuya ku Likomo la Maji kuchiri ku vuma.

Nehemiya 3:15

Ndipo Shalumu mwana waku Koloheze mweruzgi wa charu cha Mizpa, wangulongoso Likomo la Chisima; wangulizenga ndi kuŵikapo bagha ndi wanguŵikamo visasa vyake, mpilingizgu, ŵakabali ŵake, ndi mphanjizgu zake ndi wanguzenga linga la chiziŵa cha Shela chamu munda wa karonga, kwachifika kumakwerero ghakusikiyapo pakutuwa ku msumba waku Davidi.

Nehemiya 3:16

Wakundondoloska iyo ndi Nehemiya mwana waku Azibuku mweruzgi wa chigaŵa chimoza charwandi cha Betizuru wangulongoso kwachifika pa malo ghakuthyana ndi miunda yaku Davidi kufika pa chiziŵa chakuchita kukumba, ndi ku nyumba ya ŵanthu ŵakulimba.

Wakutaula 2:6

Ndingujichitiya viziŵi vya maji ghakudiriya lisuwa la miti yakume.