Nehemiya 2:10 - Tonga Bible 1986

¹⁰ Kweni penipo Sanbalata mwina Horono ndi Tobiya mteŵeti mwina Amoni, ŵanguti ŵavwa ichi, chinguŵakalipiska ukongwa kuti kwaza munthu yo wapukwa makani gha ŵana ŵaku Yisraele.

Nehemiya 2:10 ပူးပေါင်းရင်းမြစ်များ

Nehemiya 13:1

Pa zuŵa leniliya ŵanguŵerenga mu buku laku Mosese ŵanthu ŵavwanga ndipo mwaku lo mungusanirika kuti paulevi mwina Amoni pamwenga mwina Moabu wakaserenga nanga nkhamoza mu unganu waku Chiuta;

Nehemiya 13:28

Ndipo yumoza wa ŵana ŵanthurumi ŵaku Yehoiyada mwana waku Eliyashibu mzukuru mura wenga mukosanu waku Sanabalata mwina Horono; chifukwa ndingumudikiska kwangu.

Nehemiya 13:4

Paurongo paku ichi; Eliyashibu mzukuru yo, mweniyo wangumikika kutufuliya vipinda vyanyumba yaku Chiuta widu, ndipo wachitiyanga pamoza ndi Tobia,

Nehemiya 2:19

Kweni penipo Sanbalata mwina Horono, ndi Tobiya mteŵeti mwina Amoni, ndi Geshemu muArabu ŵanguti ŵachivwa, ŵangutiseka ndi ŵangutiyeya ndi ŵanguti, “Nchinthu uli ichi cho muchita? Kumbi mugalukiya karonga?”

Nehemiya 4:7

Kweni penipo Sanbalata ndi Tobiya ndi Arabu ndi ŵina Amoni ndi Ashidodi ŵanguvwa kuti kurongoso kwa linga la Yerusalemu kwarutiriyanga ndi kuti vyakusweka vingwamba kujarika, ŵangukalipa ukongwa,

Nehemiya 6:1

Ndipo penipo ŵangumunene Sanbalata ndi Tobiya ndi Gesheme muArabu ndi ŵakupindikana ŵidu wose kuti ine ndazenga linga ndi kuti pengavi pakubwanganduka penipo pangujapo mu linga lo (chingana khufika pa nyengo yeniyiya ndengavi kuŵikamo visasa mu malikomo).

Nehemiya 6:16

Ndipo penipo ŵakupindikana ŵidu wose ŵanguvwa kuti kwe viyo, mitundu yose yakutizunguliya yingutenthema ndipo yingudelukadi nthazi, pakuti ŵanguziŵa kuti nchitu iyi yingufiskika ndi chovyo chaku Chiuta widu.

Estere 10:3

Pakuti Mordikayi muYuda wenga wachiŵi ku karonga Ahaswerusi ndi wapachanya mukati mu ŵaYuda, ndipo ŵangumuzomera ŵabali ŵake ŵanandi chifukwa ŵaŵapenjiyanga umampha ŵanthu ŵa mtundu wake ndi kukamba vya chimangu ku mbeu yake yose.

Sumu 112:10

Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.

Nthanthi 27:4

Chikwiya mbukari, ukari uphwanya, kweni njani wangamiya sanje?

Nthanthi 30:22

muŵanda asani watuŵa karonga, ndi mubereŵeza asani waguta kurgha,

Wakutaula 10:7

Ndawona ŵaŵanda ŵatenda pachanya pa ŵakavalo, ndipo ŵana ŵa mafumu ŵatenda pasi nge mbaŵanda.

Yesaya 15:5

Mtima wangu uliya chifukwa chaku Moabu, ŵakuthaŵa ŵake ŵachimbiriya ku Zoara, ku Eglatisheshiya. Pakuti pachikwera chaku Luhiti ŵatendachiliya ŵachikwera, mu mseu wakuya ku Horonaimi wasoska chitenje cha pharghaniku.

Yeremiya 41:10

Sono Ishimaele wanguŵachita uŵanda ŵanthu wose ŵakujapo wo ŵenga mu Mizipa, ŵana ŵanthukazi ŵakaronga ndi ŵanthu wose wo ŵangujapo mu Mizipa, wo Nebuzaradani nduna ya ŵalonda ŵa ŵakaida wangupereka kwaku Gedaliya mwana waku Ahikamu. Ishimaele mwana waku Netaniya wanguŵayole ku umkoli ndipo wangusoka wangwambukiya ku Amoni.

Yeremiya 48:34

“Heshiboni ndi Eleyale ŵaliya, mpaka kwachifika ku Jahazi mazu ghawo ghavwika, kutuwa ku Zoara kufika ku Horonaimu ndi Eglatishelishiya. Pakuti maji ghamu Nimrimu nagho ghaŵa mapopa.

Yeremiya 48:5

Pakuti pachikwera cha Luhiti ŵakwera ndi kuliya; ndipo pasendemu ya Horonaimu ŵavwa kuliya kwa phasulu.

Machitidu gha Ŵakutumika 4:2

ŵakutundiya chifukwa kuti ŵasambizganga khamu, ndi ŵatauliyanga mwaku Yesu chiyuka cho chaku ŵakufwa.

Machitidu gha Ŵakutumika 5:24

Ndipo penipo nduna ya kasopi ndi ŵazukuru ŵara ŵanguvwa mazu gho, ŵazizikikanga paku gho, kuti chingaŵa chine chenichi.