Nehemiya 13:19 - Tonga Bible 1986

¹⁹ Penipo kwambanga kufipa pa malikomo gha Yerusalemu sabata lenga lindafike, ndingulangula kuti visasa vijarikenge, ndi ndingulangula kuti vireke kujurika mpaka penipo sabata lakapo. Ndipo ndingumika ŵanyake ŵa ŵateŵeti ŵangu kutifuliya malikomo, alinga kuulevi katundu yo waserezgekengemo pa zuŵa la sabata.

Nehemiya 13:19 ပူးပေါင်းရင်းမြစ်များ

Nehemiya 13:20

Viyo ŵamalonda ndiŵakusaska ŵa mitundu yose ya vinthu vya malonda ŵagonanga kubwalo kamoza pamwenga kaŵi.

Nehemiya 7:3

Ndipo ndinguti kwaku wo, “Malikomo gha Yerusalemu ghangajurikanga cha mpaka penipo lumwi lafunda; ndipo penipo ŵeche pa ulonda ŵajarenge ndi kupilingizga visasa. Ŵasankhe ŵalonda mu ŵakuja mu Yerusalemu, we yose ku malo ghake ndipo we yose wathyanenge ndi nuumba ya mweneko.”

ŴaLevi 23:22

“Ndipo muchivuna vuna wa charu chinu, mungavunanga kwachifiska ku mphaka ya munda cha, chingana nkhukonkhoska kukonkho mwati mwavuna cha. Mukasiyiyanga ŵakavu ndi mlendo. Ine ndine Ambuya Chiuta winu.”

ŴaLevi 23:32

Likaŵanga kwaku imwe sabata lakupaturika la chipumulu, ndipo mukajitagwaniskanga; pa zuŵa la chinkhonde ndi chinayi la mwezi, mukasunganga sabata linu kwamba ndi mazulo, kutuwa ku mazulo kuya ku mazuli ghanyake.”

Yohane 5:10

Viyo ŵaYuda ŵamneniyanga wakuchizgika yo, “Ndi Sabata; ndipo kuti nkhwakwenere iwe cha kunyamuwa mphasa zako.”