Nehemiya 13:16 - Tonga Bible 1986

¹⁶ Ŵanthurumi ŵaku Turo nawo so viyo ŵeniwo ŵajanga mu msumba wo, ŵazanga ndi somba ndi vyamalonda vya mitundu yose ndipo ŵaviguliskanga pa zuŵa lasabata ku ŵaYuda, mu Yerusalemu.

Nehemiya 13:16 ပူးပေါင်းရင်းမြစ်များ

Nehemiya 13:15

Mu mazuŵa ghenigha ndinguwona mwaku Yuda ŵanthurumi ŵakukanda vinyo pa zuŵa la sabata, ndi kuza ndi ndundu za vyakurgha kupingizga zimbunda, ndiso vinyo, vipasi, nkhuyu, ndi mitundu yose ya vyakupinga, vyo ŵanguza navyo mu Yerusalemu pa zuŵa la sabata; ndipo ndinguŵachenjezga mu zuŵa lenilo ŵaguliskiyanga vyakurgha.

Nehemiya 13:17

Sono ndingususkana ndi ŵaraŵara ŵaku Yuda, ndinguti kwaku wo, “Mbuheni wa mtundu uli uwu muchita, kukazuzga zuŵa la sabata?

Chituwa 20:10

Kweni zuŵa la chinkhonde ndi chiŵi ndi sabata ku Ambuya Chiuta wako; mwaku lo kuti uchitiyengemo mlimu we wose cha; iwe pamwenga mwana wako munthurumi, pamwenga mwana wako munthukazi, pamwenga wanchitu wako munthurumi, pamwenga wachitu wako munthukazi, pamwenga ng'ombe yako, pamwenga mlendo wakuja ndi iwe;

Chituwa 23:12

“Mazuŵa ghankhonde ndi limoza mukatatanga nchitu zinu, kweni pa zuŵa la chinkhonde ndi chiŵi mukapumuwanga; alinga kuti ng'ombe yinu ndi mbunda yinu zipumuwe, ndi mwana munthurumi wa muŵanda winu munthukazi, ndi mlendo, waronde nthazi.

Marangu 5:14

kweni zuŵa la chinkhonde ndi chiŵi ndi Sabata kwa Ambuya Chiuta wako. Ungachitiyangamo kose ka mlimu cha; chingana ndiwe, chingana ndi mwana wako munthurumi, chingana ndi mwana wako munthukazi chingana ngwanchitu wako munthurumi, chingana ngwanchitu wako munthukazi chingana ndi ng'ombe yako, chingana ndi mbunda yako, chingana ndi viŵetu vyako vyose, chingana ndi mlendo wakuja nawe, kuti wanchitu wako munthurumi, ndi wanchitu wako munthukazi ŵapumuwe pamoza nawe.