Nehemiya 13:15 - Tonga Bible 1986

¹⁵ Mu mazuŵa ghenigha ndinguwona mwaku Yuda ŵanthurumi ŵakukanda vinyo pa zuŵa la sabata, ndi kuza ndi ndundu za vyakurgha kupingizga zimbunda, ndiso vinyo, vipasi, nkhuyu, ndi mitundu yose ya vyakupinga, vyo ŵanguza navyo mu Yerusalemu pa zuŵa la sabata; ndipo ndinguŵachenjezga mu zuŵa lenilo ŵaguliskiyanga vyakurgha.

Nehemiya 13:15 ပူးပေါင်းရင်းမြစ်များ

2 Mikoka 24:19

Ndipuuli iyo wangutuma ŵamchimi kwaku iwo kuŵawezge so ku Ambuya ŵeniwo ŵanguŵarongo uneneska kweni kuti ŵanguŵavwa cha.

Nehemiya 10:31

ndipo asani ŵanthu ŵa charu ichi ŵatuŵa ndi vinthu vya malonda pamwenga kurgha pa zuŵa la sabata kuguliska, kuti tikagulananga nawo cha pa sabata pamwenga pa zuŵa lakupaturika tikarekanga vyakurgha vya chirimika cha chinkhonde ndi chiŵi ndi kupana mangaŵa ghose.

Nehemiya 10:32

Tingujiyilika so ndi lamulu lakuti chirimika ndi chirimika tiperekenge chigaŵa cha chitatu cha shekelo ku nchitu ya nyumba yaku Chiuta widu;

Nehemiya 13:16

Ŵanthurumi ŵaku Turo nawo so viyo ŵeniwo ŵajanga mu msumba wo, ŵazanga ndi somba ndi vyamalonda vya mitundu yose ndipo ŵaviguliskanga pa zuŵa lasabata ku ŵaYuda, mu Yerusalemu.

Nehemiya 13:21

Kweni ndinguŵachenjezga ndi ndinguti kwaku wo, “Chifukwa chine mugona paurongo pa linga? Asani mukawerezgangapo so, ndikakumangininga.” Kwamba pa nyengo yiya kuya ku nthazi kuti ŵazanga cha pa sabata.

Nehemiya 9:29

Ndipo munguŵachenjezga alinga kuti muŵawezge ku dangu linu. Ndipuuli ŵanguchita kwakujikuzga ndipo kuti ŵanguvwiya malamulu ghinu cha, kweni ŵangulakwiya malangulu ghinu, ghenigho pakughavwiya munthu wakajanga ndi umoyo, ndipo ŵangung'anamuliyako phewa la mtafu ndi ŵangungangamiska khosi lawo ndi ŵangukana kuvwiya.

Jobu 39:12

Kumbi wendi chigomezgu mwaku iyo kuti wakawenga, ndikuza ndi trigu ku malo ghakupepete?

Sumu 50:7

“Avwani, mwa ŵanthu ŵangu, ndipo ndikambenge, wa Yisraele, ndipanikizgiyenge paku iwe. Ine ndine Chiuta, Chiuta wako.

Chituwa 31:12

Ndipo Ambuya anguti kwaku Mosese,

Chituwa 31:16

Viyo ŵaYisraele ŵakasunganga zuŵa la sabata, kuliphwere sabata mu migonezi yawo yose, nge nchipanganu cha muyaya.

Chituwa 34:21

“Mazuŵa ghankhonde ndi limoza mukatatanga, kweni pa zuŵa la chinkhonde ndi chiŵi mukapumuwanga; mu nyengo yakupandiya ndi yakuvuniya mukapumuwanga.

Chituwa 35:2

Milimu yikachitikanga mazuŵa ghankhonde ndi limoza, kweni pa zuŵa la chinkhonde ndi chiŵi mukaŵanga ndi sabata lakupaturika lakupumuwa, ku Ambuya; we yose wakuchita mlimu mwaku lo wakabayikanga;

Nthanthi 28:4

Ŵeniwo ŵasiya dangu ŵarumba ŵamphulupulu, kweni ŵeniwo ŵasunga dangu ŵalimbana nawo.

Yesaya 58:13

“Asani mukanizga rundi linu kusabata, kutuwako kukuchita vyakumukondweskani mu zuŵa langu lakupaturika, kudana sabata zuŵa lakukondweska ndi zuŵa lakupaturika la Ambuya kuŵa lakutumbikika; asani mutilitumbika, ndi kureka kwenda mu nthowa zapa mtima winu, pamwenga kupenja vya pa mtima winu vyakumkondweskani, pamwenga kurongoro vyaukata;

Yeremiya 17:24

“ ‘Kweni asani mukavwanga kwangu, atiti Ambuya, ndi kureka kuserezga mphingu pa malikomo gha msumba uwu pa zuŵa la sabata, kweni kusunga lakupaturika zuŵa la sabata ndi kuchita nchitu cha mwaku lo;

Yeremiya 17:27

Kweni asani mukarekanga kundivwa ndi kureka lamulu lakuti zuŵa la sabata liŵe lakupaturika, ndi kupinga katundu kusere pa malikomo gha Yerusalemu pa zuŵa la sabata; po ndipo ndikakozganga moto mu malikomo ghake, zikafyanga nyumba za ufumu za Yerusalemu ndipo kuti ukazimwikanga cha.’ ”

Yeremiya 42:19

Ambuya akamba kwaku imwe, mwaŵakujapo ŵaku Yuda, ‘Mungarutanga ku Egipiti cha.’ Ziŵiskani kuti ndakuchenjezgani msana wale,

Ezekiele 20:13

Kweni nyumba yaku Yisraele yingundigarukiya mu bozwa; kuti ŵangwenda muvirungu chizgu vyangu cha, ŵangutinkha malangulu ghangu, gho munthu pakughasunga wakaŵanga ndi umoyo; masabata ghangu nagho ŵangughakazuzga ukongwa. “Penipo ndingughanaghana kuti ndiŵapunguliye ukari wangu mu bozwa, alinga kuti ndiŵamarizgiye limu.

Amosi 8:5

mutiti, “Mwezi uwu waŵalikaukabilanga zukwanji, ndi sabata, mwakuti tiguliskenge trigu mwakuti tichepeske mweso ndi kukuzga shekelo, ndi kusanduska vipimukuŵa vyakupusika,

Mika 6:3

“A! Mwa ŵanthu ŵangu ndachitanji kwaku imwe? Ndamusuzgani imwe ndikanthu uli? Mundamuke!

Machitidu gha Ŵakutumika 2:40

Ndipo ndi mazu ghanyake ghanandi waŵasimikizganga ndi waŵachichizganga, wakuti, “Jitaskeni ku mgonezi wenuwu wakunyongoroka.”

Machitidu gha Ŵakutumika 20:21

wakusimikizgiya ŵaYuda ndi so ŵaGriki ching'anamuka kwaku Chiuta, ndi chivwanu kuchiri ku Ambuyafwe Yesu Kristu.

ŴaGalatia 5:3

Ndipo ndisimikizgiya so ku munthu yose yo wachinjika, kuti ngwamatewu kuchita chilangulu chose.

ŴaEfeso 4:17

Viyo chenichi ndikamba ndi kusimikizgiya mu Mbuya, kuti mungendanga so cha, imwe, uli ndimo ŵatende ŵaMitundu nawo, mu uzereza wa vinjeru vyawo,

Marangu 8:19

Ndipo asani muruwa Ambuya Chiuta, ndi kurondo ŵachiuta ŵanyake ndi kuŵateŵete ndi kuŵasopa, nditimuchenjezgani ukongwa zuŵa lino, kuti kwakuneneska mukaparghang'ikanga.

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.